آرٹسٹک جمناسٹک نیشنل چیمپئن شپ : دیپا، پرنتی، راکیش اور گورو کمار کا شاندار مظاہرہ، کئی تمغے جیتے
بھونیشور، 5 جنوری (ہ س)۔ سینئر آرٹسٹک جمناسٹکس نیشنل چیمپئن شپ جمعرات کو ملک بھر کے سرکردہ جمناسٹوں کی شاندار کارکردگی کے ساتھ اختتام پذیر ہوگئی۔
ریلوے کی پرنتی داس کے لیے قومی چمپئن شپ کا تیسرا دن یادگار رہا کیونکہ انہوں نے آل اراونڈ خاتون زمرے میں دوسرے مقام پر رہنے کے علاوہ ڈبل گولڈ (ان ایوین بارس اور فلور ایکسرسائز) جیتا۔ ان کی ٹیم ساتھی پرنتی نائک نے والٹ میں سونے اور بیلنس بیم میں کانسے کا تمغہ جیت کر دو تمغے جیتے۔
دریں اثنا تریپورہ کی نمائندگی کرنے والی دیپا کرمکار نے خواتین کے مقابلے میں کل تین تمغے گولڈ (آل راونڈ)، سلور (والٹ) اور سلور (ان ایوین بارس) جیتے۔ اڈیشہ کے راکیش کمار پاترا نے ڈبل گولڈ (آل راونڈ اور رنگس)، پیریلل بارس میں چاندی اور ہوریزونٹل بار میں کانسے کے ساتھ چمپئن شپ کا اختتام کیا۔
سروسز کے گورو کمار نے بھی نیشنل چیمپئن شپ میں چار تمغے جیتے۔ آل راونڈ میں کانسے کے علاوہ انہوں نے فلور ایکسرسائز میں گولڈ اور پیریلل بارس اور ہوریزونٹل بار میں چاندی کے دو تمغے جیتے۔
ریلوے کے سدھارتھ ورما نے تین تمغے جیتے۔ وہ آل راونڈ میں دوسرے نمبر پر رہا اور والٹ میں سونے اور پومیل ہارس میں چاندی کا تمغہ جیتا۔ جبکہ ہریانہ کے یوگیشور نے ہوریزونٹل بار میں گولڈ میڈل اور پومیل ہارس میں کانسے کا تمغہ جیتا۔
اڈیشہ کے کھیلوں اور نوجوان امور کے سکریٹری ونیل کرشنا نے اختتامی تقریب کے مہمان خصوصی کے طور پر اس موقع پر شرکت کی۔ اس کے علاوہ جمناسٹک فیڈریشن آف انڈیا کے صدر سدھیر متل اور اڈیشہ جمناسٹک ایسوسی ایشن اور اے ایم/ این ایس انڈیا کے عہدیدار بھی موجود تھے۔
جمناسٹک فیڈریشن آف انڈیا کے صدر سدھیر متل نے جونیئر اور سینئر آرٹسٹک جمناسٹک نیشنل چیمپئن شپ 24-2023 کو کامیابی سے منعقد کرنے کے لیے محکمہ کھیل اور نوجوان خدمات، حکومت اڈیشہ کا شکریہ ادا کیا اور مبارکباد دی۔
ہندوستھان سماچار
/شہزاد
