نئی دہلی،یکم جنوری (ہ س)۔ دوسری کھیلو انڈیا سب جونیئر خواتین ہاکی لیگ کے دوسرے مرحلے کے پہلے دن، اوڈیشہ نیول ٹاٹا ہاکی ہائی پرفارمنس سینٹر اور جئے بھارت ہاکی اکیڈمی نے اپنے اپنے میچ جیت لیے، جبکہ سائی بال کی ٹیم نے پریتم سیواچ ہاکی اکیڈمی کے ساتھ ڈرا کھیلا۔
اوڈیشہ نیول ٹاٹا ہاکی ہائی پرفارمنس سینٹر نے شاندار فتح درج کی:
دن کے پہلے میچ میں اوڈیشہ نیول ٹاٹا ہاکی ہائی پرفارمنس سنٹر نے بھائی بہلو ہاکی اکیڈمی، بھگتا کو 0۔4 سے شکست دی۔ اوڈیشہ نیول ٹاٹا ہاکی ہائی پرفارمنس سنٹر کے لیے لیونا لکرا (20′) اور شیتل یادو (42′) نے ایک ایک فیلڈ گول کیا، جبکہ کپتان ڈولی بھوئی (45′) اور نہاریکا ٹوپو (59′) نے پنالٹی کارنر گول میں تبدیل کیا۔
جئے بھارت ہاکی اکیڈمی نے سنسنی خیز جیت حاصل کی:
دن کے دوسرے میچ میں جئے بھارت ہاکی اکیڈمی نے اننت پور اسپورٹس اکیڈمی کو 2۔3 سے شکست دی۔ میچ کا پہلا گول اننت پور اسپورٹس اکیڈمی کی ایم شالینی (15′) نے کیا، لیکن انو (30’، 51′) نے جئے بھارت ہاکی اکیڈمی کے لیے دو گول کرکے انہیں برتری دلائی۔ پی مدھوریما بائی (53′) نے اننت پور اسپورٹس اکیڈمی کے لیے برابری کی، لیکن رانو تیواری (59′) نے آخری منٹوں میں گول کرکے جئے بھارت اکیڈمی کی جیت کو یقینی بنایا۔
سائی بال ٹیم نے پریتم سیواچ ہاکی اکیڈمی کو ڈرا پر رکھا:
دن کے تیسرے میچ میں سائی بال ٹیم کا پریتم سیواچ ہاکی اکیڈمی کے خلاف میچ 2-2 سے برابر رہا۔ لالپیکسانگی (6′) نے سائی بال ٹیم کے لیے اسکورنگ کا آغاز کیا اور تنیشا ایکا (38′) نے اپنی ٹیم کی برتری کو دوگنا کردیا۔ پریا (44′) اور آرتی (58′) نے بالترتیب تیسرے اور چوتھے کوارٹر میں پریتم سیواچ ہاکی اکیڈمی کے لیے گول کر کے اپنی ٹیم کو برابر کر دیا۔
ہندوستھان سماچار/سلام
