اپنے گھر پر جمشیدپور کے خلاف پورے پوائنٹس حاصل کرنے اترے گی ان-فارم اڈیشہ ایف سی
بھونیشور، 29 دسمبر (ہ س)۔ اڈیشہ ایف سی آج رات یہاں اپنے ہوم گراونڈ کلنگا اسٹیڈیم میں جمشید پور ایف سی کی میزبانی کرے گی اور اس میچ کے ساتھ یہ دونوں ٹیمیں آئی ایس ایل سیزن 10 میں اپنی مہم کے پہلے حصے کا اختتام کریں گی۔
جگرناٹس شاندار کارکردگی کا مظاہرہ کر رہے ہیں کیونکہ وہ 10 میچوں سے ناقابل شکست ہیں۔ سرجیو لوبیرا اینڈ کمپنی نے گھر سے دور پنجاب ایف سی کے خلاف 0-1 سے جیت کے دوران متاثر کن کارکردگی کا مظاہرہ کیا۔ لوبیرا اور ان کے جگرناٹس نے دفاعی طاقت کا مظاہرہ کرتے ہوئے اب مسلسل تین کلین شیٹس حاصل کی ہیں۔ انہوں نے اپنے سیٹ اپ میں یوتھ جوش اور تجربے کا بہترین امتزاج بنایا ہے اور یہ اس جوش و جذبے اور تاثیر سے ظاہر ہوتا ہے جس کے ساتھ وہ میدان میں اہم لمحات کو اپنے حق میں کرتے ہیں۔
حالانکہ ریڈ مائنر اپنے پچھلے میچ میں حیدرآباد ایف سی کے خلاف 0-5 کی شاندار جیت کے بعد اعتماد کے ساتھ آنے والے مقابلے میں جائیں گے۔ ریڈ مائنر حالات میں تبدیلی کے خواہاں تھے۔ ڈینیل چیما چکوو نے شاندار ہیٹ ٹرک کی۔ اس لیے آئی ایس ایل 22-2021 لیگ کے چیمپئن امید کر رہے ہوں گے کہ نائجیریا کے اسٹرائیکر ان کے گول اسکورنگ کے خدشات کو دور کریں گے۔
اڈیشہ ایف سی کے ہیڈ کوچ سرجیو لوبیرا نے کہا، ’’جمشید پور ایک ایسی ٹیم ہے جس نے پچھلے کچھ میچوں میں بہتری لائی ہے۔ وہ بہت اچھا کھیلی ہے۔ جب ہم نے پہلے ان کے خلاف کھیلاتھا تو میں نے کہا تھا کہ وہ زیادہ پوائنٹس کے حقدار ہیں۔یہ ایک مشکل میچ ہوگا کیونکہ وہ ہر روز بہتر ہو رہے ہیں، اور انہوں دفاع اور جارحانہ دونوں میں بہت اچھا توازن بنایا ہے۔‘‘
جمشید پور ایف سی کے ہیڈ کوچ اسکاٹ کوپر نے کہا کہ یہ میچ فٹ بال سے محبت کرنے والے شائقین کے لیے ایک تحفہ ہو گا۔ انہوں نے کہا، ’’جمشید پور میں ان کے (اڈیشہ ایف سی) کے خلاف کھیلے گئے میچ کے دوران یہ ایک ایسا میچ تھا جہاں دونوں ٹیموں نے میدان کے ساتھ گیند کھیلی۔ مجھے اڈیشہ ایف سی کے کھیلنے کا طریقہ پسند ہے۔‘‘
آپ کو بتاتے چلیں کہ اب تک دونوں ٹیموں کے درمیان 13 میچ کھیلے جا چکے ہیں، جس میں اڈیشہ ایف سی نے 3 میچ جیتے ہیں اور جمشید پور نے 8 میچ جیتے ہیں، جب کہ 2 میچ ڈرا ہوئے۔
ہندوستھان سماچار
/شہزاد
