ممبئی، 15 دسمبر (ہ س)۔
نوی ممبئی کی ڈاکٹر ڈی وائی پاٹل اسپورٹس اکیڈمی میں بھارت کے خلاف جاری واحد ٹیسٹ میچ کے دوسرے دن انگلینڈ کی اننگز صرف 136 رنز پر سمٹ گئی اور بھارت کو پہلی اننگز کی بنیاد پر 292 رن کی برتری حاصل ہوگئی۔ بھارت نے اپنی پہلی اننگز میں 428 رنز بنائے تھے۔
انگلینڈ کی پہلی اننگ کا آغاز خراب رہا اور 79 رن کے مجموعی اسکور پر ٹیمی بیومونٹ (10)، صوفیہ ڈنکلے (11) اور کپتان ہیتھر نائٹ (11) پویلین لوٹ گئیں۔ اس کے بعد نیٹ اسکیور برنٹ نے ڈینیئل وائٹ کے ساتھ مل کر انگلینڈ کی اننگ کو 100 سے آگے لے گئے۔ دپتی شرما نے 108 کے مجموعی سکور پر وائٹ کو اپنا شکار بنایا۔ وائٹ نے 19 رنز بنائے۔ اس کے بعد بیٹنگ کے لیے آنے والی ایمی جونز بھی 12 رنز بنانے کے بعد دپتی شرما کا شکار بنیں۔ اس کے بعد انگلینڈ کی وکٹیں مسلسل گرتی رہیں اور پوری ٹیم 136 رنز پر ڈھیر ہو گئی۔ انگلینڈ نے اپنی آخری 6 وکٹیں صرف 10 رنز پر گنوا دیں۔
انگلینڈ کی جانب سے نیٹ سکیور برنٹ نے شاندار نصف سنچری کے ساتھ 59 رنز بنائے۔ برنٹ کے علاوہ ایمی جونز نے 12 اور صوفیہ ڈنکلے اور ہیتھر نائٹ نے 11 رنز بنائے۔
بھارت کی جانب سے دپتی شرما نے پانچ وکٹیں حاصل کیں۔ دپتی کے علاوہ اسنیہ رانا نے 2 اور پوجا وستراکر اور رینوکا سنگھ ٹھاکر نے ایک ایک وکٹ حاصل کی۔
اس سے قبل ہندوستانی خواتین ٹیم نے پہلے بیٹنگ کرتے ہوئے اپنی پہلی اننگز میں 428 رنز بنائے۔
ہندوستان کے لیے چار بلے باز شوبھا ستیش (69)، جیممہ روڈریگز (68)، یاستیکا بھاٹیہ (66) اور دپتی شرما (ناٹ آو¿ٹ 60) نے شاندار نصف سنچری کھیلی، جب کہ کپتان ہرمن پریت کور (49) نصف سنچری بنانے سے محروم رہیں۔
اس میچ میں ہندوستانی ٹیم نے ٹاس جیت کر پہلے بیٹنگ کا فیصلہ کیا۔ ہندوستان کی شروعات خراب رہی اور دونوں اوپنر اسمرتی مندھانا (17) اور شفالی ورما (19) 47 رنز کے مجموعی اسکور پر پویلین لوٹ گئی۔
اس کے بعد شوبھا ستیش اور جیممہ نے تیسرے وکٹ کے لیے 115 رنز کی شراکت بنا کر ہندوستان کو میچ میں واپس لایا۔ سوفی ایکلسٹون نے 162 کے مجموعی اسکور پر شوبھا کو آو¿ٹ کر کے اس شراکت کو توڑا۔ شوبھا نے 76 گیندوں میں 13 چوکوں کی مدد سے 69 رنز کی شاندار نصف سنچری بنائی۔
190 کے مجموعی اسکور پر لارین بیل نے جمائمہ کو بولڈ کر کے بھارت کو چوتھا جھٹکا دیا۔ جمائمہ نے 99 گیندوں میں 11 چوکوں کی مدد سے 68 رنز بنائے۔
یہاں سے کپتان ہرمن پریت کور نے یاستیکا بھاٹیہ کے ساتھ مل کر ہندوستانی ٹیم کے اسکور کو 300 سے آگے بڑھایا۔ 306 کے مجموعی سکور کے ساتھ ہی ہرمن ڈینی وائٹ کے ہاتھوں تھرو پر رن آو¿ٹ ہو گئے۔ ہرمن نے 81 گیندوں میں 6 چوکوں کی مدد سے 49 رنز بنائے۔ آو¿ٹ ہونے سے قبل انہوں نے یاستیکا کے ساتھ پانچویں وکٹ کے لیے 116 رن کی شراکت داری کی۔
ہرمن کے آو¿ٹ ہونے کے بعد یاستیکا بھی چلتی بنیں۔ 313 کے مجموعی اسکور پر یاستیکا کو چارلی ڈین نے آو¿ٹ کیا۔ یاستیکا نے 88 گیندوں میں 10 چوکوں اور ایک چھکے کی مدد سے 66 رنز کی شاندار نصف سنچری بنائی۔
یاستیکا کے آو¿ٹ ہونے کے بعد دیپتی شرما اور اسنیہ رانا نے محتاط انداز میں کھیلتے ہوئے ہندوستان کے اسکور کو 400 سے آگے لے گئے۔ 405 کے مجموعی سکور پر اسنیہ رانا کو نیٹ سکیور برنٹ نے بولڈ کر کے انگلینڈ کو ساتویں کامیابی دلائی۔ رانا نے 73 گیندوں میں 5 چوکوں کی مدد سے 30 رنز بنائے۔ دیپتی کے ساتھ اس نے ساتویں وکٹ کے لیے 92 رنز جوڑے۔
انگلینڈ کی جانب سے لارین بیل اور سوفی ایلیکسٹن نے 3-3 وکٹیں حاصل کیں جبکہ کیٹ کراس، نیٹ سکیور برنٹ اور شارلٹ ڈین نے 1-1 وکٹ حاصل کی۔
ہندوستھان سماچار
