رانچی سول کورٹ نے چیک باونس کیس میں امیشا پٹیل پر ایک بار پھر ایک ہزار روپے کا جرمانہ عائد کیا

رانچی ، 11 دسمبر (ہ س)۔

رانچی سول کورٹ نے فلم اداکارہ امیشا پٹیل سے متعلق چیک باونس کیس میں ایک بار پھر 1000 روپے کا جرمانہ عائد کیا ہے۔ اس سے قبل بھی عدالت نے گواہ سے جرح نہ کرنے پر امیشا پٹیل پر جرمانہ عائد کیا تھا۔ امیشا پٹیل کی جانب سے گواہ نمبر ایک اجے کمار سنگھ عرف ٹنکو سنگھ کی دوبارہ گواہی دینے کی درخواست کی گئی تھی کیونکہ ان سے جرح نہیں کی گئی تھی۔

دراصل گواہ نمبر ایک اجے کمار سنگھ عرف ٹنکو سنگھ کی جرح جوڈیشل مجسٹریٹ ڈی این شکلا کی عدالت میں مکمل نہیں ہوئی ہے۔ پیر کی سماعت کے دوران امیشا پٹیل نے گواہ نمبر ایک سے جرح کے لیے عدالت سے وقت مانگا۔ اس پر عدالت نے کیس کی سماعت منگل کو مقرر کی ہے اور امیشا پٹیل پر 1000 روپے کا جرمانہ عائد کیا ہے۔ شکایت کنندہ اجے کمار سنگھ کی وکیل وجئے لکشمی نے جرح کے لیے وقت مانگنے کی مخالفت کی۔فلم میکر اجے کمار سنگھ نے اداکارہ امیشا پٹیل کے خلاف فراڈ کا مقدمہ درج کرایا تھا۔ امیشا پٹیل نے دیسی میجک فلم بنانے کے نام پر اجے کمار سنگھ سے ڈھائی کروڑ روپے لیے تھے۔ امیشا پٹیل نے رقم کی واپسی کے لیے دو چیک دیئے تھے جو باو¿نس ہو گئے۔ اس پر اجے کمار سنگھ نے امیشا پٹیل کے خلاف دھوکہ دہی کا مقدمہ درج کرایا تھا۔

ہندوستھان سماچار