این ایچ ۔28 پر دو گاڑیوں کے تصادم میں آٹو ڈرائیور کی موت
بیگوسرائے، 11 دسمبر (ہ س)۔ قومی شاہراہ ۔28 کی برونی-مظفر پور سڑک پرگذشتہ شب سڑک حادثے میں ایک آٹو ڈرائیور کی موت ہو گئی جب کہ چارلوگ زخمی ہوگئے۔ اس میں ایک کی حالت تشویشناک ہے۔ واقعے کی اطلاع ملتے ہی پولیس نے لاش کو تحویل میں لے کر پوسٹ مارٹم کے لیے بھیج دیا۔
شدید طور پر زخمی نوجوان کو علاج کے لیے صدر اسپتال میں داخل کرایا گیا ہے جبکہ معمولی طور سے زخمی تین افراد اپنے گھر چلے گئے ہیں۔ واقعہ بچھواڑہ تھانہ علاقہ کے گودھنا کے قریب پیش آیا۔ متوفی کی شناخت سمستی پور ضلع کے مسری گھراری تھانہ علاقہ کے تاج پور فتح پوررہائشی 28 سالہ دیپک کمار ولد بدھو سنگھ کے طور پر کی گئی ہے جبکہ شدید طور پر زخمی نوجوان کی شناخت مسری گھراری تھانہ علاقہ کےہی تاج پور چک حیدررہائشی پنکج کمار ولد رام رکشا رائے کے طور پر کی گئی ہے۔
واقعہ کے بارے میں بتایا جا رہا ہے کہ تمام لوگ ایک آٹو پر سوار ہو کر با را ت جارہے تھے۔ اسی دوران گودھانا کے قریب سامنے سے آرہی تیز رفتار پک اپ سے تصادم ہوگیا۔ اس میں ڈرائیور دیپک کمار کی موقع پر ہی موت ہو گئی۔ واقعہ کی اطلاع ملتے ہی اہل خانہ میں کہرام مچ گیا۔ بچھواڑہ تھانہ انچارج اجیت کمار نے بتایا کہ واقعہ کی اطلاع دیر رات ملی۔ اطلاع ملتے ہی پولیس نے حادثے کا شکار آٹو اور پک اپ گاڑی کو اپنے قبضے میں لے لیا اور معاملے کی تحقیقات کر رہی ہے۔
ہندوستھان سماچار/ افضل
/شہزاد
