جموئی، 9 دسمبر(ہ س)۔ بہار کے جموئی میں تلوار سے حملے کا معاملہ سامنے آیا ہے ۔ ضلع کے کھیرا تھانہ علاقہ امباتی گاؤں میں جمعہ کی دیر رات معمولی تنازعہ کو لیکر شراب کے نشے میں بڑے بھائی نے اپنے چھوٹے بھائی کے گردن پر تلو ار سے حملہ کر دیا۔ جس میں چھوٹے بھائی سنگین طور سے زخمی ہوگیا۔ وہیں زخمی کو اہل خانہ کے ذریعہ علاج کے لئے صدر اسپتال لایا گیا۔ جہاں اس کی حالت دیکھتے ہوئے پی ایم سی ایچ ریفر کر دیا گیا۔ زخمی نوجوان کی شناخت امباتری رہائشی ڈگن مانجھی کے 30 سالہ بیٹے اجے مانجھی کے طور پر ہوئی ہے۔
ادھر واقعہ کے بعد ملزم کا بڑا بھائی سنجے مانجھی تلوار لے کر موقع سے بھاگ رہا تھا کہ مقامی لوگوں نے پکڑ کر اس سے تلوار چھین لیا۔ حالانکہ ملزم فرار ہونے میں کامیاب رہا۔ جس کی پولیس تلاش کر رہی ہے۔ وہیں واقعہ کی اطلاع کھیرا تھانہ کو دی گئی ۔ جس کے بعد کھیرا تھانہ کی پولیس موقع پر پہنچی اور معاملے کی جانچ میں مصروف ہوگئی۔
واضح ہوکہ واقعہ کے بعد مقامی لوگوں کی بھیڑ جمع ہو گئی اور سنجے مانجھی کو پکڑ کر ان سے تلوار چھین لی گئی۔ موقع پا کر ملزم موقع سے فرار ہو گیا۔ واقعہ کی اطلاع ملتے ہی کھیراتھانہ کی پولیس موقع پر پہنچ گئی اور معاملے کی جانچ شروع کر دی۔ واقعہ کے بارے میں کھیرا تھانہ انچارج سدھیشور پاسوان نے بتایا کہ اطلاع مل گئی ہے، پورے معاملے کی جانچ کی جا رہی ہے، فی الحال زخمی نوجوان پٹنہ میں زیر علاج ہے، بڑے بھائی کی تلاش شروع کر دی گئی ہے۔
ہندوستھان سماچار/ افضل/سلام
