بجنور، 06 دسمبر (ہ س)۔
بڑھا پور تھانہ کے تحت تین روز قبل اتوار کو زمین کے تنازعہ کی وجہ سے دو فریق کے درمیان لڑائی کے دوران ہوئی فائرنگ میں ایک شخص ہلاک اور تین دیگر زخمی ہو گئے تھے ۔ اس معاملے کا نوٹس لیتے ہوئے پولیس سپرنٹنڈنٹ نیرج کمار جادون نے پولیس اسٹیشن ہیڈ بڑھا پور سمیت راٹھی، حلقہ انچارج یاسین اور کانسٹیبل کرشنا کمار کو معطل کر دیا ۔
ایس پی نے ڈی سی آر بی کے کام کرنے والے سب انسپکٹر کومل سنگھ کو بڑھاپور پولیس اسٹیشن کا نیا پولیس اسٹیشن سربراہ مقرر کیا ہے۔ ایڈیشنل سپرنٹنڈنٹ پولیس معطل شدہ تھانہ صدر سمیت تینوں اہلکاروں کے خلاف سات دن کے اندر ابتدائی انکوائری کر کے ایس پی کو رپورٹ پیش کریں گے۔
معلوم ہوا ہے کہ بڑھاپور تھانہ علاقہ کے گاؤں کوان کھیڑا کھدری کے رہنے والے بالی ووڈ فنکار بھوپیندر سنگھ کا گاؤں سے ملحق شیر گڑھ نام کا فارم ہاؤس ہے۔ اس کے قریب ہی گرودیپ سنگھ کی زرعی زمین ہے۔ گزشتہ اتوار کو دونوں کے درمیان پشتے پر یوکلپٹس کے درخت کو کاٹنے پر جھگڑا ہوا۔ اس کے بعد بھوپیندر نے اپنے لائسنس یافتہ ریوالور سے گرودیپ کے اہل خانہ پر گولی چلا دی۔ گولی لگنے سے گوردیپ کے 22 سالہ بیٹے گووند سنگھ کی موقع پر ہی موت ہو گئی۔ جبکہ گرودیپ سنگھ، اس کی بیوی اور بیٹا شدید زخمی ہو گئے۔
پولیس نے اس معاملے میں چار ملزمان کے خلاف مقدمہ درج کیا تھا۔ گرفتار مرکزی ملزم بھوپیندر سنگھ کے ساتھ گیان سنگھ، جیون سنگھ، گرجنت سنگھ کو عدالت میں پیش کیا گیا۔
ہندوستھان سماچار//محمد
