احمد آباد، 6 دسمبر (ہ س)۔ جی ایم آر گروپ کی ملکیت والی فرنچائز یوپی یودھا آج شام پرو کبڈی لیگ (پی کے ایل) کے اپنے اگلے میچ میں ہریانہ اسٹیلرز کا سامنا کرنے کے لیے تیار ہے، یہ مقابلہ یہاں دی ایرینا بائے ٹرانس اسٹڈیا میں کھیلا جائے گا۔
یودھا جنہیں سیزن کے اپنے شروعاتی میچ میں یوممباکے خلاف صرف تین پوائنٹس سے ہار کا سامنا کرنا پڑا تھا،موجودہ میں لیگ اسٹینڈنگ میں ایک پوائنٹ کے ساتھ ساتویں نمبر پر ہیں۔ اعدادوشمار کے مطابق یوپی یودھا اور ہریانہ اسٹیلرز پرو کبڈی لیگ کی تاریخ میں آٹھ بار آمنے سامنے ہو چکے ہیں، جہاں دونوں ٹیموں نے تین تین جیتے ہیں اور باقی دو میچ برابری پر ختم ہوئے ہیں۔
یوپی یودھا کے ہیڈ کوچ جسویر سنگھ نے کہا، ’’ہم سیزن کے اپنے ابتدائی میچ میں یو ممبا سے بہت ہی کم فرق سے ہار گئے تھے۔ ہم ہریانہ اسٹیلرز کے خلاف واپسی کے بارے میں بہت پراعتماد ہیں کیونکہ ہم اس بات کو یقینی بنائیں گے کہ ہم اس میچ کی غلطیوں کو نہیں دہرائیں گے۔ ہماری ٹیم میں اچھا ماحول ہے اور ہم سب ایک دوسرے کے ساتھ زیادہ سے زیادہ وقت گزار رہے ہیں اور یہ دوستی میٹ پر نظر آئے گی۔‘‘
تجربہ کار ریڈر سریندر گل اور انیل کمار، جنہوں نے گزشتہ میچ میں یوپی یودھا کے لیے اپنا ڈیبیو کیا تھا، نے بڑی تعداد میں ریڈ پوائنٹس حاصل کیے اور وہ لیگ میں اپنی اچھی شروعات کو جاری رکھنے کی کوشش کریں گے۔
کپتان پردیپ نروال، جو اپنی اصلی شکل تلاش کر رہے ہیں، میچ میں اپنی قسمت کا رخ موڑتے نظر آئیں گے۔ آل راونڈر نتن پنوار اور وجے ملک پر ریڈنگ اور دفاعی شعبے میں توازن برقرار رکھنے کی ذمہ داری ہوگی۔
ہریانہ کے ریڈروں کو نتیش کمار سمت اور آشو سنگھ کی مضبوط دفاعی جوڑی کے خلاف اپنا کام کرنا ہوگا، جنہوں نے ریڈروں کے لیے پوائنٹ حاصل کرنا مشکل بنا دیا ہے۔ ہریانہ اسٹیلرز سیزن میں پہلی بار میٹ پر اتریں گے اور شمالی ہند کی دونوں ٹیموں کے درمیان میچ دلچسپ ہونے کی امید ہے۔
ہندوستھان سماچار//سلام
