غازی آباد، 02 دسمبر (ہ س)۔ غازی آباد ضلع کے ٹرونیکا تھانہ سٹی علاقہ میں ڈیوٹی سے واپس آرہی لڑکی کے ساتھ اجتماعی عصمت دری کے معاملے میں پولیس نے ہفتہ کو تین نوجوانوں کو حراست میں لے لیا۔ خاص بات یہ ہے کہ جس جگہ یہ واقعہ ہوا وہاں سے چند قدم کے فاصلے پر پولیس چوکی ہے۔
ڈی سی پی (دیہی) وویک چند یادو نے صحافیوں کو بتایا کہ دہلی کی رہنے والی ایک لڑکی ٹرونیکا سٹی تھانہ علاقے میں ایک فیکٹری میں کام کرتی ہے ۔ جمعرات کی شام وہ فیکٹری میں اپنی ڈیوٹی ختم کر کے اپنے دوست کے ساتھ گھر واپس جا رہی تھی۔ اس دوران تین لڑکے اسے جھاڑیوں میں لے گئے اور اس کے ساتھ اجتماعی عصمت دری کی۔ واردات کے بعد ملزمان موقع سے فرار ہو گئے۔ اس کے بعد وہ اپنے گھر واپس آگئی۔ گھر پہنچنے کے بعد اس نے اپنے گھر والوں کو حادثہ کی اطلاع دی ۔
لڑکی نے پولیس کو بتایا کہ وہ اور اس کا دوست فیکٹری میں کام ختم کرکے گھر جارہے تھے۔ راستے میں اس کی ایک دوست کی دوست سے ملاقات ہوئی۔ دوست نے اپنے دوست سے اسکوٹر چلانے کا طریقہ سیکھنا شروع کیا۔ وہ سڑک کنارے کھڑی فون پر بات کر رہی تھی۔ اس دوران تین نوجوان آئے اور اس کے دوست اور اس کی سہیلی کے پاس رکے۔ وہ لوگ اس کے ساتھ بد تمیزی کر نے لگے ۔ متاثرہ لڑکی ان کے پاس پہنچی تو ملزمان اس کی دوست کو چھوڑ دیا ۔ ملزمان متاثرہ کو جھاڑیوں میں لے گئے اور اجتماعی عصمت دری کو انجام دیا ۔ پولیس اس معاملے میں تین نوجوانوں کو حراست میں لے کر پوچھ گچھ کر رہی ہے۔
ہندوستھان سماچار//سلام
