بالی ووڈ اداکار رندیپ ہڈا ان دنوں موضوع بحث ہیں۔ حال ہی میں رندیپ نے اپنی گرل فرینڈ لن لیشارام سے شادی کی ہے۔ رندیپ اور لن کی شادی کی تقریب منی پور میں روایتی انداز میں منعقد ہوئی۔ اس شادی کی تصاویر سوشل میڈیا پر خوب وائرل ہوئیں۔ اب شادی کے بعد رندیپ اپنی بیوی کے ساتھ ممبئی پہنچ گئے ہیں۔ اس نئے شادی شدہ جوڑے کی ایک ویڈیو بھی سوشل میڈیا پر وائرل ہوئی ہے۔
شادی کے بعد رندیپ ہڈا اور لن لیشارام کو حال ہی میں ممبئی ایئرپورٹ پر دیکھا گیا۔ اس دوران رندیپ اور لن کے لک کے کافی چرچے ہوئے۔ اس بار رندیپ نے سفید شرٹ پینٹ پہن رکھی تھی۔ لن نے سرخ لباس پہنا ہوا تھا۔ اس کے ساتھ اس نے کپڑوں کے ساتھ ملتے جلتے سرخ رنگ کا پرس بھی لیا تھا۔ رندیپ اور لن کو میڈیا کے سامنے ایک دوسرے کا ہاتھ پکڑے پوز دیتے ہوئے دیکھا گیا۔
رندیپ اور لن کی شادی کی تقریب منی پور میں خاندان اور قریبی رشتہ داروں اور دوستوں کی موجودگی میں منعقد ہوئی۔ بتایا جا رہا ہے کہ رندیپ اور لن کی شادی کے بعد ممبئی میں ایک شاندار استقبالیہ دیا جائے گا۔ اس میں بالی ووڈ کے کئی اداکاروں کو مدعو کیا جائے گا۔ رندیپ ہڈا کے کام کی بات کریں تو رندیپ جلد ہی اپنی آنے والی فلم ‘سارجنٹ’ میں نظر آئیں گے۔ حال ہی میں اس فلم کا ٹریلر ریلیز ہوا ہے۔ اس ٹریلر کو شائقین کی جانب سے زبردست ردعمل ملا ہے۔
ہندوستھان سماچار
