بہار میں کہرے کے ساتھ بیشتر اضلاع کے درجہ حرارت میں کمی، کئی علاقوں میں بارش کے امکان

بہار میں کہرے کے ساتھ بیشتر اضلاع کے درجہ حرارت میں کمی، کئی علاقوں میں بارش کے امکان

پٹنہ، یکم دسمبر (ہ س)۔ موسمیاتی مرکز پٹنہ کے مطابق بہار میں گزشتہ 24 گھنٹوں کے درجہ حرارت میں 1-3 ڈگری کی کمی درج کی گئی۔ ریاست کے جنوب مغربی حصوں کے کچھ علاقوں میں ہلکی بوندا باندی بھی ہوئی۔ حالانکہ پوروا ہوا میں نمی زیادہ ہونے کی وجہ سے سردی زیادہ شدید محسوس نہیں ہوئی۔ گزشتہ 24 گھنٹوں میں ریاست کا سب سے زیادہ درجہ حرارت موتیہاری میں 32.2 ڈگری سیلسیس درج کیا گیا اوربانکا میں سب سے کم درجہ حرارت 14.9 ڈگری سیلسیس درج کیا گیا۔

جمعرات کے روز پٹنہ کا زیادہ سے زیادہ درجہ حرارت 26.3 ڈگری سیلسیس اور کم سے کم درجہ حرارت 17.1 ڈگری سیلسیس درج کیا گیا۔ آج جمعہ کے روز راجدھانی پٹنہ کا کم سے کم درجہ حرارت 21-23 ڈگری سیلسیس رہنے کا امکان ہے جبکہ زیادہ سے زیادہ درجہ حرارت 30-32 ڈگری سیلسیس رہنے کا امکان ہے۔ دن کے وقت آسمان صاف رہے گا۔ جبکہ بعض مقامات پر مطلع جزوی طور پر ابر آلود رہے گا۔

آئی ایم ڈی پٹنہ کے مطابق آئندہ 24 گھنٹوں کے دوران ریاست کے شمال مغربی اور جنوب مغربی حصوں کے کچھ علاقوں میں ہلکی بارش کا امکان ہے۔ ریاست کے سارن، گوپال گنج، ویشالی، سیوان، سمستی پور، سہرسہ، مظفر پور اور کھگڑیا اضلاع میں کچھ مقامات پر ہلکی بارش کے امکانات ہیں۔ بہار کے کئی اضلاع میں صبح کا آغاز گھنے کہرے کے ساتھ ہوگا۔

آئندہ پانچ روز تک موسم میں کوئی خاص تبدیلی نہیں آئے گی۔ کم سے کم درجہ حرارت میں کمی کا امکان ہے۔ بہار میں آئندہ 5-6 دنوں میں زیادہ سے زیادہ درجہ حرارت 26-30 ڈگری سیلسیس اور کم سے کم درجہ حرارت 18 سے 19 ڈگری سیلسیس کے درمیان رہنے کا امکان ہے۔ ہوا میں نمی تقریباً 23 فیصد رہے گی جو 8-10 کلومیٹر فی گھنٹہ کی رفتار سے چلے گی۔ اس دوران ہلکی اور درمیانی بارش کا امکان ہے۔ اس کا مطلب ہے کہ دسمبر کا مہینہ مزید سردی کے ساتھ شروع ہوگا۔ پوری ریاست میں سردی مزید بڑھنے کا امکان ہے۔

ہندوستھان سماچار/ افضل

/شہزاد