تل ابیب، 30 نومبر (ہ س)۔ اسرائیل اور حماس کے درمیان جاری جنگ بندی میں مزید ایک دن کی توسیع کر دی گئی ہے۔ دونوں فریقین نے جنگ بندی میں مزید 24 گھنٹے کی توسیع پر اتفاق کیا ہے۔ بتایا جاتا ہے کہ حماس کی جانب سے 10 یرغمالیوں کی فہرست اسرائیل کے حوالے کی گئی ہے۔
حماس نے کہا ہے کہ اسرائیل کے ساتھ جنگ بندی میں ایک دن کی توسیع کر دی گئی ہے اور یہ ساتویں روز بھی نافذ رہے گی۔ اسرائیل اور حماس نے گزشتہ بدھ کو چار روزہ جنگ بندی پر اتفاق کیا تھا اور یہ معاہدہ گزشتہ جمعہ سے نافذ العمل ہوا تھا۔ اس دوران حماس کی جانب سے 58 یرغمالیوں کو رہا کیا گیا جن میں 40 اسرائیلی اور 17 تھائی شہری تھے۔ اس کے بعد جنگ بندی میں مزید دو دن کی توسیع کی گئی جس میں 28 نومبر کو 10 اسرائیلی اور دو تھائی شہریوں کو رہا کر دیا گیا۔ 29 نومبر کو 10 اسرائیلی اور 4 تھائی شہریوں کو رہا کیا گیا۔
اس دوران اسرائیل کے فیصلے کے مطابق فلسطینی قیدیوں کو ان کی جیلوں سے رہا کیا جا رہا ہے۔
اس جنگ بندی کا دنیا بھر کے ممالک نے خیر مقدم کیا ہے۔ اس دوران جنگ بندی پوری طرح سے نافذالعمل ہے۔ امدادی سامانوں اور ادویات سے لدے ٹرک غزہ میں داخل ہو رہے ہیں۔
ہندوستھان سماچار
