اتار چڑھاؤ کے درمیان بازار مضبوطی سے بند ہوا شیئر بازار، سرمایہ کاروں کو 2.35 لاکھ کروڑ روپئے کا منافع
نئی دہلی، 30 نومبر (ہ س)۔ دن بھر محدود رینج میں ٹریڈنگ کے بعد آج گھریلو شیئر مارکیٹ میں نومبر کا مہینہ معمولی اضافے کے ساتھ ختم ہوا۔ نومبر کے مہینے میں حصص بازار میں تقریباً 5.5 فیصد کا اضافہ ریکارڈ کیا گیا، جس کی وجہ سے ایک ماہ میں سرمایہ کاروں کی دولت میں تقریباً 24 لاکھ کروڑ روپئے کا اضافہ ہوا۔وہیں صرف آج کی تجارت کی وجہ سے اسٹاک مارکیٹ کے سرمایہ کاروں کی دولت میں 2.35 لاکھ کروڑ روپئے کا اضافہ ہوا۔
آج، دن کے کاروبار میں بی ایس ای میں 3,857 شیئرس میں ایکٹیو ٹریڈنگ ہوئی جن میں سے 1900 شیئرس کے بھاؤ بڑھے، 1812حصص کی قیمتوں میں کمی جبکہ 145 حصص بغیر کسی حرکت کے بند ہوئے۔ این ایس ای میں آج 2,115 شیئرس میں فعال تجارت ہوئی۔ ان میں سے 1,093 شیئرس منافع کمانے کے بعد سبز نشان میں بند ہوئے اور 1,022 حصص نقصان اٹھانے کے بعد سرخ نشان پر بند ہوئے۔ اسی طرح سینسیکس میں شامل 30 شیئروں میں سے 17 شیئرس اضافے کے ساتھ بند ہوئے اور 13 حصص گراوٹ کے ساتھ بند ہوئے۔ جبکہ نفٹی میں شامل اسٹاکس میں سے 33 اسٹاک سبز نشان میں اور 17 اسٹاک سرخ نشان میں بند ہوئے۔
بی ایس ای سینسیکس نے آج 61.29 پوائنٹس کے اضافے کے ساتھ 66,963.20 پوائنٹس پر تجارت شروع کی۔ مارکیٹ کھلنے کے بعد کچھ وقت کے لئے خریداری کا دباؤ رہا جس کے باعث یہ انڈیکس 20 ستمبر کے بعد پہلی بار چھلانگ لگا کر 67 ہزار پوائنٹس کی سطح عبور کر کے 67 ہزار 69.89 پوائنٹس کی سطح پر پہنچ گیا۔ خریداری کی حمایت سے سینسیکس 86.53 پوائنٹس کے اضافے کے ساتھ 66,988.44 پوائنٹس کی سطح پر بند ہونے میں کامیاب رہا۔
سینسیکس کی طرح این ایس ای کا نفٹی بھی آج 11.90 پوائنٹس کے اضافے کے ساتھ 20,108.50 پوائنٹس کی سطح پر کھلا۔ کاروبار کے آغاز کے بعد خریداری کی حمایت کی وجہ سے کچھ ہی عرصے میں یہ انڈیکس 62.10 پوائنٹس کے اضافے سے 20,158.70 پوائنٹس کی سطح پر پہنچ گیا۔ تاہم اس کے بعد مارکیٹ میں فروخت کا دباؤ رہا جس کی وجہ سے اس انڈیکس کی حرکت میں بھی کمی آئی۔ دن بھر اتار چڑھاؤ کا سامنا کرنے کے بعد، نفٹی ، کاروبار کے آخری ایک گھنٹے کے دوران خرید کی حمایت کے ساتھ 36.55 پوائنٹس کے اضافے کے ساتھ 20,133.15 پوائنٹس پر بند ہوا۔
ہندوستھان سماچار
/شہزاد
