پٹنہ میں ضبط شراب کی چوری میں پھنس گئے انسپکٹر، اپنے ہی تھانہ میں تعینات ایس آئی گرفتار
پٹنہ، 28 نومبر (ہ س)۔ راجدھانی پٹنہ کے دیگھا تھانہ کے بیرک سے اتوارکے روز شراب برآمد ہوئی تھی۔ اب اس معاملے میں پٹنہ پولیس نے بڑی کارروائی کی ہے۔ سٹی ایس پی (سنٹرل) ویبھو شرما نے بتایا کہ شکایت ملی تھی کہ جو شراب چھاپہ ماری کے دوران ضبط کی گئی تھی، اسے بیرک میں چھپا کر رکھا گیا تھا۔ اس کو لیکر پٹنہ ایس ایس پی کو واٹس ایپ کے ذریعہ ایک ایس ایم ایس ملا تھا۔ اس میں تھانہ کے بیرک میں شراب ہونے کی اطلاع دی گئی تھی۔ اس کے بعد پٹنہ ایس ایس پی نے کار روائی کرتے ہوئے جانچ کی۔
ویبھو شرما نے بتایاکہ جانچ کے دوران دیگھا تھانہ کے بیرک سے شراب برآمد کی گئی، جس کے پیش نظر دیگھا تھانہ انچارج رام پریت پاسوان کو فوری اثر سے معطل کر دیا گیا ہے۔ گذشتہ روز اسی بیرک میں موجود سب انسپکٹر سمیت 4 افراد کے خلاف پرائمری مقدمہ درج کیا گیا ہے۔ سب انسپکٹر پھول کمار چودھری اور ہوم گارڈ راجیش کمار کو گرفتار کر لیا گیا ہے۔
دراصل اتوار کے روز دیکھا تھانہ علاقہ میں یوم انسداد نشہ کے موقع پر کثیر مقدار میں شراب برآمد کی گئی تھی۔ اس شراب کا کچھ حصہ دیگھا تھانہ کے بیرک میں ملا جس کے بعد پٹنہ ایس ایس پی بڑی کا رروائی کی۔ بیرک میں موجود پولیس اہلکاروں کے خلاف ایف آئی آر درج کی گئی ہے۔ اس میں ڈرائیورکانسٹیبل راجیش کمار، ہوم گارڈ جوان چندن کمار اور سریندر کمار، سب انسپکٹر پھول کمار چودھری کے خلاف مقدمہ درج کیا گیا ہے ۔
ہندوستھان سماچار/افضل
/شہزاد
