اداکار سلمان خان کی بھانجی علیجے اگنی ہوتری نے فلم ‘فرے’ سے بالی ووڈ میں قدم رکھا ہے۔ سلمان کی پروڈیوس کردہ فرے جمعہ کو سینما گھروں میں ریلیز ہوئی تھی لیکن پہلے دن کے اعداد و شمار پر نظر ڈالیں تو اس فلم کو شائقین کی جانب سے اچھا رسپانس نہیں ملا۔ فلم اسکول کے بچوں پر مبنی ہے۔ سلمان کی بھانجی اور دیگر اداکاروں نے بھی اس کی بھرپور تشہیر کی۔
‘ساکنلک’ کی رپورٹ کے مطابق ‘فرے’ نے پہلے دن 50 لاکھ روپے کا بزنس کیا ہے، لیکن یہ ابتدائی اعداد و شمار ہیں۔ فلم جمعہ کو ریلیز ہو رئی ہے اور ویک اینڈ پر فلم کی کمائی بڑھ سکتی ہے۔ یہ فلم تھائی لینڈ میں بننے والی فلم ‘بیڈ جینئس’ کا آفیشل ریمیک ہے۔ علیجے اگنی ہوتری کی یہ فلم امتحان میں ہائی ٹیک نقل پر مبنی ہے۔
فلم کو ناقدین کی جانب سے بہت اچھے ریویوز ملے ہیں لیکن دیکھنے والوں کی تعداد کم ہے۔ فلم کی آئی ایم بی ڈی ریٹنگ 9.6 ہے۔ اسے نیشنل ایوارڈ یافتہ ڈائریکٹر سومیندر پادھی نے ڈائریکٹ کیا ہے۔ علیجے کے علاوہ اس میں زین شا، ساحل مہتا، پرسنا بشٹ، رونیت بوس رائے اور جوہی ببر سونی بھی ہیں۔
سلمان کی بات کریں تو ان کی فلم ‘ٹائیگر 3’ دیوالی کے موقع پر 12 نومبر کو ریلیز ہوئی تھی۔ اس فلم نے اچھا بزنس کیا ہے۔ فلم نے بھارت میں 250 کروڑ کا بزنس کیا ہے۔ اس طرح دنیا بھر میں کمائی کے اعداد و شمار 400 کروڑ سے زیادہ ہیں۔ سلمان اس وقت اس فلم کی کامیابی کا جشن منا رہے ہیں۔ فلم میں کترینہ کیف اور عمران ہاشمی اہم کردار ادا کر رہے ہیں۔
ہندوستھان سماچار
