شروعاتی کاروبار میں شیئر بازار میں دباو، سینسیکس-نفٹی میں گراوٹ
نئی دہلی، 24 نومبر (ہ س)۔ گھریلو شیئر بازار میں آج دباو کی صورتحال نظر آ رہی ہے۔ آج فلیٹ سطح پر ملے۔جلے کاروبار کی شروعات ہوئی۔ ابتدائی تجارت میں خریداری کی حمایت کے باعث بازار میں معمولی اضافہ دیکھا گیا لیکن کچھ دیر بعد فروخت کے دباو کی وجہ سے حصص بازار کے دونوں انڈیکس سرخ نشان میں گر گئے۔ کاروبار کے پہلے ایک گھنٹہ کے بعد سینسیکس 0.02 فیصد اور نفٹی 0.01 فیصد کی کمزوری کے ساتھ کاروبار کرتے نظر آرہے تھے۔
کاروبار کے پہلے ایک گھنٹے کے بعد شیئر بازار کے بڑے شیئروں میں ڈاکٹر ریڈیز لیبارٹریز، ڈیویز لیبارٹریز، سیپلا، این ٹی پی سی اور سن فارماسیوٹیکلس کے حصص 1.73 فیصد سے لیکر 0.77 فیصد کی مضبوطی کے ساتھ کاروبار کر رہے تھے۔ دوسری طرف وپرو، ایچ سی ایل ٹیکنالوجی، ٹاٹا موٹرز، اپولو ہسپتال اور بی پی سی ایل کے حصص 0.99 فیصد سے لیکر 0.72 فیصد کی گراوٹ کے ساتھ کاروبار کرتے ہوئے نظر آرہے تھے۔
ابھی تک کے کاروبار میں حصص بازار میں 1,945 شیئروں میں ایکٹیو ٹریڈنگ ہورہی تھی۔ ان میں سے 1,174 شیئرس منافع کماکر سبز نشان میں جبکہ 771 شیئرس خسارے کے ساتھ سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 14 حصص خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 16 حصص سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 16 حصص سبز نشان میں اور 34 حصص سرخ نشان میں کاروبار کرتے نظر آرہے تھے۔
بی ایس ای کے سینسیکس نے آج 17.52 پوائنٹس کی معمولی کمزوری کے ساتھ 66,000.29 پوائنٹس پر تجارت شروع کی۔ بازار کھلتے ہی یہ انڈیکس خریداری کے سہارے 66,101.64 پوائنٹس کی سطح پر پہنچ گیا لیکن اس کے بعد فروخت کے دباو کی وجہ سے یہ انڈیکس سرخ نشان میں غوطہ لگا کر 65,961.98 پوائنٹس پر آگیا۔ بازار میں مسلسل خرید و فروخت کے درمیان پہلے گھنٹے کے کاروبار کے بعد صبح 10:15 بجے سینسیکس 9.91 پوائنٹس کی کمزوری کے ساتھ 66,007.06 پوائنٹس کی سطح پر کاروبار کر رہا تھا۔
سینسیکس کے برعکس، این ایس ای کا نفٹی آج 7.60 پوائنٹس کے معمولی اضافے کے ساتھ 19,809.60 پوائنٹس کی سطح پر کھلا۔ کاروبار شروع ہوتے ہی اس انڈیکس نے خریداری کی حمایت سے تیزی دکھاتے ہوئے 19,832.85 پوائنٹس کی سطح پر پہنچ گیا۔ لیکن اس کے بعد فروخت کے دباو کی وجہ سے یہ انڈیکس سرخ نشان میں چلا گیا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے نفٹی 1.10 پوائنٹس کی گراوٹ کے ساتھ 19,800.90 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
