اتار چڑھاو کے درمیان شروعاتی کاروبار میں شیئر بازار میں تیزی کا رجحان
نئی دہلی، 23 نومبر (ہ س)۔ ملے جلے عالمی اشاروں کے درمیان آج شروعاتی کاروبار میں گھریلو حصص بازار میں زبردست اتار چڑھاو ہوتا نظر آرہا ہے۔ آج کی تجارت کا آغاز معمولی مضبوطی کے ساتھ ہوا تاہم بازار کھلنے کے بعد خریداروں اور فروخت کنندہ کے درمیان رسہ کشی کی صورتحال پیدا ہوگئی جس کی وجہ سے بازار کی چال بھی اوپر نیچے ہوتی رہی۔ کاروبار کے پہلے گھنٹے کے بعد سینسیکس اور نفٹی 0.14 فیصد کی مضبوطی کے ساتھ کاروبار کر رہے تھے۔
کاروبار کے پہلے گھنٹے کے بعد شیئر بازار کے بڑے شیئروں میں بجاج آٹو، ہیرو موٹو کارپ، آئشر موٹرز، انڈس انڈ بینک اور اڈانی پورٹس کے حصص 2.75 فیصد سے لیکر 1.26 فیصد کی مضبوطی کے ساتھ کاروبار کر رہے تھے۔ دوسری طرف سیپلا، ہنڈالکو انڈسٹریز، الٹرا ٹیک سیمنٹ، اپولو ہاسپٹلز اور او این جی سی کے حصص 3.53 فیصد سے لیکر 0.42 فیصد کی گراوٹ کے ساتھ کاروبار کرتے نظر آرہے تھے۔
ابھی تک کے کاروبار میں حصص بازار میں 1,964 شیئروں میں ایکٹیو ٹریڈنگ ہورہی تھی۔ ان میں سے 1,451 شیئر منافع کما کر سبز نشان میں کاروبار کر رہے تھے جبکہ 513 شیئر خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئرس میں سے 22 حصص خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 8 حصص سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 32 شیئر سبز نشان میں اور 18 حصص سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج 61.13 پوائنٹس کے اضافے کے ساتھ 66,084.37 پوائنٹس کی سطح پر کھلا۔ کاروبار شروع ہوتے ہی خریدار اور فروخت کنندگان نے بازار میں ایک دوسرے پر غلبہ حاصل کرنے کی کوشش شروع کردی جس کی وجہ سے اس انڈیکس کی حرکت میں مسلسل اتار چڑھاو دیکھا گیا۔ خریداری کے سپورٹ سے یہ انڈیکس 66,235.24 پوائنٹس کی سطح پر پہنچ گیا جبکہ فروخت کے دباو کی وجہ سے یہ انڈیکس 66,062.71 پوائنٹس کی سطح پر بھی چلا گیا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 93.74 پوائنٹس کے اضافے کے ساتھ 66,116.98 پوائنٹس پر کاروبار کر رہا تھا۔
سینسیکس کی طرح، این ایس ای کے نفٹی نے بھی آج 16.60 پوائنٹس کے اضافے کے ساتھ 19,828.45 پوائنٹس پر تجارت شروع کی۔ ابتدائی کاروبار میں ہی خریداروں اور بیچنے والوں کے درمیان کھینچ تان کی وجہ سے اس انڈیکس کی حرکت اوپر نیچے ہوتی رہی۔ خریداری کے سپورٹ سے یہ انڈیکس 19,875.15 پوائنٹس کی سطح پر پہنچگیا جبکہ فروخت کے دباو کے باعث یہ سرخ نشان میں گر کر 19,811.65 پوائنٹس کی سطح پر آگیا۔ بازار میں مسلسل خرید و فروخت کے درمیان پہلے ایک گھنٹے کی تجارت کے بعد صبح 10:15 بجے نفٹی 26.80 پوائنٹس کے اضافے کے ساتھ 19,838.65 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
