-دو افراد کو حراست میں لے لیا گیا، واردات میں استعمال ہونے والا اسلحہ برآمد
پٹنہ، 20 نومبر(ہ س)۔
بہار میں لکھی سرائے ضلع کے کبیا تھانہ علاقے کے پنجابی محلہ میں پیر کے روز ایک سنکی نوجوان نے چھ لوگوں پر اندھا دھنگ فائرنگ کر دی۔ اس فائرنگ میں تین لوگوں کی موت ہو گئی، جبکہ تین لوگوں کو پٹنہ پی ایم سی ایچ میں داخل کرایا گیا ہے۔ ان سب کا تعلق ایک ہی خاندان سے ہے۔ ملزم نوجوان کا نام آشیش چودھری بتایا گیا ہے۔
فائرنگ معاملے کی جانچ کے لیے آئے مونگیر رینج کے ڈی آئی جی سنجے کمار سنگھ نے متاثرہ خاندان سے ملاقات کی ہے۔ واقعہ میں استعمال ہونے والے اسلحہ اور اہم ملزم آشیش چودھری کے گھر سے دو افراد کو حراست میں لے لیا گیا ہے اور ان سے پوچھ گچھ کی جا رہی ہے۔ ڈی آئی جی نے کہا کہ جلد پولیس ٹیم اہم ملزم آشیش چودھری کو پکڑ لے گی۔ پولیس ٹیم چھاپہ ماری کر رہی ہے۔
ایس پی نے بتایا کہ فائرنگ کرنے والے آشیش چودھری کا تعلق سامنے والی گھر کی لڑکی سے تھا۔ لڑکی کے گھر والے اس کی شادی اس سے نہیں کرنا چاہتے تھے۔ اسی وجہ سے آشیش نے اس واردات کو انجام دیا۔
ہندوستھان سماچار/ افضل/محمد
