بالی ووڈ کے بھائی جان سلمان خان ، اداکار عمران ہاشمی اور اداکارہ کٹرینہ کیف کے اہم کرداروں میں جلوہ گر ہونے والی فلم’ٹائیگر 3‘ کی کمائی دوسرے ہفتے میں کم ہونا شروع ہوگئی ہے۔ پہلے ہفتے کے آغاز میں فلم باکس آفس پر اچھا بزنس کرتی نظر آئی۔ تاہم’ورلڈ کپ 2023‘کا فائنل میچ اتوار ہونے کی وجہ سے آٹھویں روز بھی شائقین سینما گھروں تک نہیں پہنچ سکے۔ اس کا اثر’ٹائیگر -3‘ کی کمائی پر بھی نظر آرہا ہے۔
سلمان خان کی فلم ‘ٹائیگر -3’ حال ہی میں ریلیز ہوئی ہے۔ فلم نے ریلیز کے پہلے دن سے ہی اچھی کارکردگی دکھائی۔ تاہم ریلیز کے دوسرے اتوار کو فلم کی کمائی میں بڑی کمی دیکھی گئی۔ فلم ’ٹائیگر 3‘ نے ریلیز کے پہلے دن 44.5 کروڑ روپے کا بزنس کیا۔ دوسرے دن 59.25 کروڑ روپے ، تیسرے دن 44.3 کروڑ روپے ، چوتھے دن 21.1 کروڑ روپے ، پانچویں دن 18.5 کروڑ روپے ، چھٹے دن 13.25 کروڑ روپے اور ساتویں دن 18.5 کروڑ روپے کمائے۔ ریلیز کے آٹھویں دن اس فلم کی کمائی میں کمی دیکھی گئی۔ فلم نے ہفتے کے آخر میں آٹھویں دن صرف 10.25 کروڑ روپے کمائے۔ فلم ’ٹائیگر 3‘ نے اپنی ریلیز کے آٹھ دنوں میں بھارت میں 229.65 کروڑ روپے کما لیے ہیں۔
ہندوستھان سماچارمحمدخان
