نیرج چوپڑا مردوں کے زمرے میں ورلڈ ایتھلیٹ آف دی ایئر کے لئے نامزد
نئی دہلی، 14 نومبر (ہ س)۔ بھارتی اسٹار جیولین اتھیلیٹ والے نیرج چوپڑا ان پانچ کھلاڑیوں میں سے ایک ہیں جنہیں سال کے بہترین مرد ایتھلیٹ کے لئے نامزد کیا گیا ہے۔
ایوارڈ کے لیے جن پانچ کھلاڑیوں کو نامزد کیا گیا ہے، جن میں نیرج بھی شامل ہیں، سبھی نے 2023 میں ایتھلیٹکس میں سنسنی خیز کھیل کا مظاہرہ کیا ہے اور عالمی ایتھلیٹکس چیمپئن شپ بڈاپیسٹ 23 سمیت دنیا بھر میں کئی مقابلوں میں عالمی ریکارڈ کے ساتھ خطاب جیتے ہیں۔
مردوں کے زمرے میں ورلڈ ایتھلیٹ آف دی ایئر ایوارڈ کے لئے جن کھلاڑیوں کا انتخاب کیا گیا ہے ان کے نام درج ذیل ہیں۔
1. نیرج چوپڑا، (بھارت، جیولین کے زمرے میں) – عالمی چیمپئن، ایشیائی کھیلوں کا چیمپئن۔
2. ریان کروزر، (امریکہ، شاٹ پٹ) – عالمی ریکارڈ کے ساتھ عالمی چیمپئن۔
3. مونڈو ڈوپلانٹس، (سویڈن، پول والٹ) – عالمی چیمپئن، عالمی ریکارڈ کے ساتھ ڈائمنڈ لیگ چیمپئن۔
4. کیلون کپٹم، (کینیا، میراتھن) – لندن اور شکاگو میراتھن کے فاتح، میراتھن ورلڈ ریکارڈ ہولڈر۔
5. نوح لائلس, (امریکہ, 100 میٹر/200 میٹر) – عالمی 100میٹر اور 200میٹر چیمپئن، چھ 200میٹر فائنلس میں ناقابل شکست۔
سال 2023 کے عالمی ایتھلیٹس کے لئے ووٹنگ کا عمل
فائنلسٹ کا تعین تین طرفہ ووٹنگ کے عمل کے ذریعے کیا گیا تھا۔
ورلڈ ایتھلیٹکس کونسل اور ورلڈ ایتھلیٹکس فیملی نے اپنا ووٹ ای میل کے ذریعے ڈالا ، جب کہ شائقین نے ورلڈ ایتھلیٹکس سوشل میڈیا پلیٹ فارمز کے ذریعے اپنے فیصلے آن لائن رجسٹر کئے، جہاں 2 ملین ووٹ ریکارڈ کئے گئے۔ ووٹنگ 28 اکتوبر کو ختم ہوئی۔
ورلڈ ایتھلیٹکس ایوارڈس2023 کے فاتح کا اعلان 11 دسمبر کو ورلڈ ایتھلیٹکس پلیٹ فارم پر کیا جائے گا۔
ہندوستھان سماچار
/شہزاد
