بنگلورو، 13 نومبر (ہ س)۔
ہندوستانی جونیئر خواتین ہاکی ٹیم کی اسٹار فارورڈ انّو نے پیر کو سابق کپتان رانی اور اپنے والد راجپال کو اپنے ہاکی کیریئر کو نئی بلندیوں پر لے جانے کا محرک قرار دیا۔ انّو کو امید ہے کہ وہ نہ صرف اپنے سرپرستوں کو قابل فخر بنائیں گی بلکہ بین الاقوامی سطح پر ملک کے وقار میں بھی اپنا رول ادا کریں گی کیونکہ وہ آئندہ ایف آئی ایچ ہاکی خواتین کے جونیئر ورلڈ کپ 2023 میں حصہ لینے کی تیاری کر رہی ہیں۔
ہاکی انڈیا کی طرف سے جاری کردہ ایک باضابطہ بیان میں انّو نے کہا، میرے والد شروع سے ہی اس بات پر بضد تھے کہ میں پیشہ ورانہ طور پر کھیلتی ہوں۔ میں کھو کھو کھیلتی تھی، لیکن جب میں نے 2011 میں سرسا میں ایک اسپورٹس اکیڈمی میں شمولیت اختیار کی، تو مجھ سے کہا گیا کہ میں ایک کھیل کا انتخاب کروں۔ جوڈو اور ہاکی کے درمیان کھیل، میرے والد نے مجھےسابق کپتان رانی کے بارے میں کہانیاں سنائیں جو کہ ہریانہ سے بھی ہیں، میرے والد سے ان کے بارے میں جو باتیں بتائیں میں ان سے بہت متاثر ہوئی اور ب بھی مجھے مشکلات کا سامنا کرنا پڑا انکی مثال نے مجھے نئی تقویت بخشی۔
انّو نے کہا، جب میں بچپن میں تھی، اسکول میں میں نے جو تمغے جیتے تھے، ان کو حقارت کی نگاہ سے دیکھا جاتا تھا؛ پوری برادری نے میری کامیابیوں کوکم کرنے کی کوشش کی، اس کے باوجود، میں شکر گزار ہوں کہ میرے والد نے ہمت برقرار رکھنے میں میری مدد کی ، مجھے آگے بڑھنے کی ترغیب دی۔ میری والدہ بھی اس وقت بہت بیمار تھیں اور میرے لئے ان سے دور رہنا مشکل تھا، اس دور سے گزرنا پورے خاندان کے لئے مشکل تھا۔ میں کئی بار روئی اور ہار مان لی، لیکن میرے والد نے ہمت نہیں ہاری، یہ سب ان کی بدولت ہے کہ میں یہاں تک پہنچی ہوں۔
انّو جاپان کے کاکامیگاہارا میں خواتین جونیئر ایشیا کپ جیتنے والی ٹیم کی ممبر تھیں۔ وہ 5 میچوں میں 9 گول کے ساتھ سرفہرست رہیں۔ انّوکی توجہ اب ایف آئی ایچ ہاکی ویمنس جونیئر ورلڈ کپ 2023 پر ہے، جو 29 نومبر سے 10 دسمبر تک منعقد ہوگا۔ ہندوستان کو پول سی میں جرمنی، بیلجیم اور کینیڈا کے ساتھ رکھا گیا ہے۔
ہندوستھان سماچار
/عطاءاللہ
