نئی دہلی، 8 نومبر (ہ س)۔
ہندوستانی شٹلر اور 2022 دولت مشترکہ کھیلوں کے گولڈ میڈلسٹ لکشیہ سین نے بدھ کے روز وزیر اعظم نریندر مودی، مرکزی وزیر انوراگ ٹھاکر اور وزیر خارجہ ایس جے شنکر سے جاپان اور چائنہ اوپن میں شرکت کے لیے ویزا کے مسائل حل کرنے کی اپیل کی۔
عالمی نمبر 17 لکشیہ نے بتایا کہ ان کی ٹیم نے 10 اکتوبر کو جاپان کے ویزے کے لیے درخواست دی تھی لیکن انہیں ابھی تک ویزا نہیں ملا۔
لکشیہ نے لکھا کہ مجھے چین کے ویزا کے لیے بھی اپلائی کرنا ہے۔ براہ کرم فوری طور پر میرے، میرے کوچ اور فزیو کے لیے ویزا فراہم کریں۔ برائے مہربانی انوراگ صاحب، پی ایم مودی جی اور وزیر خارجہ جی مدد کریں۔
چائنا ماسٹرز 21 سے 26 نومبر تک شینزین میں منعقد ہوں گے۔
ہندوستان کے بیڈمنٹن ٹیلنٹ نومبر میں ہونے والے کئی مقابلوں میں حصہ لیں گے۔ بہت سے شٹلرز 14 سے 19 نومبر تک جاپان ماسٹرز اور 21 سے 26 نومبر تک چائنا ماسٹرز میں شرکت کریں گے۔
لکشیہ نے آخری بار فرنچ اوپن 2023 میں حصہ لیا تھا۔ عالمی نمبر 17 کھلاڑی کو گلیز ایرینا کے بیڈمنٹن کورٹ پر 54 منٹ تک جاری رہنے والے میچ میں بیڈمنٹن رینکنگ میں 44 ویں نمبر پر موجود فرانس کے ارناو¿ڈ مرکل کے ہاتھوں 21-15، 21-18 سے شکست کا سامنا کرنا پڑا تھا۔
ہندوستھان سماچار
