نئی دہلی، 6 نومبر ۔ گلوبل مارکیٹ سے تیزی کے رجحانات موصول ہو رہے ہیں۔ امریکہ میں شرح سود میں اضافہ نہ ہونے کی وجہ سے گزشتہ کاروباری روز بھی والا سٹریٹ انڈیکس میں تیزی جاری رہی۔ وال اسٹریٹ کے تینوں انڈیکس مسلسل چوتھے دن بلندی پر بند ہوئے۔ ڈاو¿ جونز فیوچرز بھی آج فائدہ کے ساتھ تجارت کرتا ہوا نظر آ رہا ہے۔ تاہم گزشتہ تجارتی سیشن کے دوران دباو میں کاروبار کرنے کے بعد یورپی بازار ملے- جلے نتائج کے ساتھ بند ہوئے۔ وہیں ایشیائی بازاروں میں آج تیزی کا ماحول ہے۔
بانڈ ایلڈ کی شرح میں کمی اور امریکی فیڈرل ریزرو کے مثبت اشارے کی وجہ سے وال اسٹریٹ کے انڈیکس گزشتہ تجارتی سیشن کے دوران مضبوطی کے ساتھ بند ہونے میں کامیاب رہے ۔ ایس اینڈ پی 500 انڈیکس 0.94 فیصد اضافے کے ساتھ 4,358.34 پوائنٹس پر بند ہوا۔ اسی طرح نیس ڈیک نے 184.09 پوائنٹس یعنی 1.38 فیصد کے اضافے کے ساتھ 13,478.28 پوائنٹس کی سطح پر گزشتہ سیشن کا کاروبار ختم کیا۔ ڈاو جونز فیوچرز بھی آج کے کاروبار میں 0.07 فیصد کی مضبوطی کے ساتھ 34083.63 پوائنٹس کی سطح پر کاروبار کرتے ہوئے نظر آ رہا ہے۔
امریکی بازاروں کے برعکس، یورپی مارکیٹس گزشتہ سیشن کے دوران مسلسل دباو میں کام کرنے کے بعد ملے جلے نتائج کے ساتھ بند ہوئے ۔ ایف ٹی ایس ای انڈیکس 0.39 فیصد گر کر 7,417.73 پوائنٹس پر بند ہوا۔ اسی طرح سی اے سی انڈیکس نے 0.19 فیصد کی کمی کے ساتھ 7,047.50 پوائنٹس کی سطح پر گزشتہ سیشن کے کاروبار کا اختتام کیا۔ دوسری جانب ڈی اے ایکس انڈیکس 0.30 فیصد مضبوط ہوکر 15,189.25 پوائنٹس کی سطح پر بند ہوا۔
ایشیائی بازاروں میں آج تیزی کا ماحول ہے۔ ایشیا کے تمام 9 بازاروں کے انڈیکس تیزی کے ساتھ سبز رنگ میں کاروبار کر رہے ہیں۔ گفٹ نفٹی 153.50 پوائنٹس یعنی 0.80 فیصد کے اضافے کے ساتھ 19,417 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.43 فیصد چھلانگ لگا کر 3,157.28 پوائنٹس کی سطح پر کاروبار کر رہا ہے۔ نکئی انڈیکس نے آج زبردست چھلانگ لگائی ۔ یہ انڈیکس اب تک کے کاروبار میں 779.44 پوائنٹس یعنی 2.44 فیصد اضافے کے ساتھ 32,729.33 پوائنٹس کی سطح پر پہنچ گیا ہے۔ اسی طرح ہینگ سینگ انڈیکس بھی اب تک کی ٹریڈنگ میں 298.52 پوائنٹس یعنی 1.69 فیصد اضافے سے 17,962.64 پوائنٹس کی سطح پرکاروبار کرتا ہوا نظر آرہا ہے۔
کوسپی انڈیکس میں آج سب سے زیادہ چھلانگ درج کی گئی ۔ یہ انڈیکس اب تک کے کاروبار میں 100.06 پوائنٹس یعنی 4.22 فیصد اضافے کے ساتھ 2,468.40 پوائنٹس کی سطح پر پہنچ گیا ہے۔ اسی طرح تائیوان ویٹڈ انڈیکس 199.95 پوائنٹس یعنی 1.21 فیصد اضافے کے ساتھ 16707.60 کی سطح تک پہنچنے میں کامیابی حاص کی ہے۔ اس کے علاوہ سیٹ کمپوزٹ انڈیکس 0.23 فیصد اضافے کے ساتھ 1,423.07 پوائنٹس کی سطح پر، جکارتہ کمپوزٹ انڈیکس 0.84 فیصد اضافے کے ساتھ 6,845.83 پوائنٹس کی سطح پر اور شنگھائی کمپوزٹ انڈیکس 0.87 فیصد اضافے کے ساتھ 3,057.50 پوائنٹس کی سطح پر کاروبار کر رہے ہیں ۔
