اتار- چڑھاو کے درمیان گھریلو شیئر بازار میں تیزی کا رجحان
نئی دہلی، 2 نومبر (ہ س)۔ مضبوط عالمی اشاروں کے درمیان گھریلو شیئر بازار نے بھی آج مضبوطی کے ساتھ کاروبار شروع کیا۔ حصص بازار کے دونوں انڈیکس نے آج 0.70 فیصد اضافے کے ساتھ کاروبار شروع کیا۔ بازار کھلتے ہی خریداری کی حمایت ملنے کے بعد اس میں زوردار تیزی آگئی لیکن کاروبار کے پہلے آدھے گھنٹے کے بعد ہی منافع وصولی شروع ہونے کی وجہ سے، سینسیکس اور نفٹی دونوں انڈیکس اوپری سطحوں سے پھسلتے ہوئے دیکھے گئے۔ کاروبار کے پہلے گھنٹے کے بعد، سینسیکس 0.74 فیصد اور نفٹی 0.73 فیصد کے اضافے کے ساتھ کاروبار کر رہے تھے۔
شروعاتی ایک گھنٹے کا کاروبار ہونے کے بعد شیئر بازار کے بڑے شیئرس میں برٹانیہ، انڈس انڈ بینک، کول انڈیا، اسٹیٹ بینک آف انڈیا اور یو پی ایل کے حصص 2.49 فیصد سےلیکر 1.22 فیصد کی مضبوطی کے ساتھ کاروبار کر رہے تھے۔ دوسری طرف ہیرو موٹو کارپ، ٹیک مہندرا، سپلا، ہندوستان یونی لیور اور نیسلے کے حصص 0.96 فیصد سے لیکر 0.36 فیصد کی کمزوری کے ساتھ تجارت کرتے ہوئے نظر آرہے تھے۔
ابھی تک کے کاروبار میں شیئر بازار میں 2007 شیئروں میں ایکٹیو ٹریڈنگ ہورہی تھی۔ ان میں سے 1668 حصص منافع کماکر سبز نشان میں جبکہ 339 حصص خسارے کے بعد سرخ رنگ میں کاروبار کر رہے تھے۔ اسی طرح سینسیکس میں شامل 30 حصص میں سے 26 حصص خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 4 شیئرس سرخ نشان میں کاروبار کر رہے تھے جبکہ نفٹی میں شامل شیئروں میں سے 44 شیئر سبز نشان میں اور 6 شیئر سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج 442.07 پوائنٹس چھلانگ لگا کر 64033.40 پوائنٹس پر کھلا۔ جیسے ہی کاروبار کا آغاز ہوا، خریداری کی حمایت سے کچھ ہی عرصے میں یہ انڈیکس 600 سے زائد پوائنٹس کی چھلانگ لگا کر 64202.64 پوائنٹس کی سطح پر پہنچ گیا لیکن اس کے بعد پرافٹ بکنگ کی وجہ سے فروخت شروع ہونے سے اس انڈیکس کی حرکت میں کمی آنے لگی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح سوا دس بجے سینسیکس 473.34 پوائنٹس کے اضافے کے ساتھ 64064.67 پوائنٹس پر کاروبار کر رہا تھا۔
سینسیکس کی طرح این ایس ای کے نفٹی نے آج 130.85 پوائنٹس کے اضافے کے ساتھ 19,120 پوائنٹس پر تجارت شروع کی۔ بازار کھلتے ہی خریداری کی حمایت سے یہ انڈیکس بھی 185 پوائنٹس سے زیادہ مضبوطی کے ساتھ 19,175.25 پوائنٹس کی سطح پر پہنچ گیا۔ لیکن اس کے بعد فروخت شروع ہونے سے اس انڈیکس کی رفتار میں بھی گراوٹ آئی۔ بازار میں کاروبار کے پہلے گھنٹے کی مسلسل خرید و فروخت کے بعد صبح 10 بج کر 15 منٹ پر نفٹی 139.55 پوائنٹس کے اضافے کے ساتھ 19,128.70 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
