شملہ، یکم نومبر (ہ س)۔ ہماچل کی بیٹی نے تلوار بازی میں چاندی کا تمغہ جیت کر ریاست کا نام روشن کیا ہے۔ روہڈو کی جیوتیکا دتہ نے گوا میں منعقد ہو رہے قومی کھیلوں میں تلواربازی میں چاندی کا تمغہ جیتا ۔ جیوتیکا دتہ نے کوارٹر فائنل میں ہریانہ اور سیمی فائنل میں منی پور کو شکست دی۔ جیوتیکا فائنل میچ میں دوسرے نمبر پر رہی۔
جیوتیکا دتہ اب تک قومی اور بین الاقوامی مقابلوں میں 30 تمغے جیت چکی ہیں۔ جیوتیکا اب تک چار قومی کھیل کھیل چکی ہیں اور تین بار ہماچل کی نمائندگی کر چکی ہیں۔
تلواربازی کے کھلاڑیوں کو بھی ملے کھیلوں کا کوٹہ
جیوتیکا دتہ نے ہماچل کی اسپورٹس پالیسی میں تبدیلی کا مطالبہ کیا ہے تاکہ اس میںتلواربازی کو شامل کیا جائے۔ اب تک ان کے کھلاڑیوں کے لیے نوکریوں میں ریزرویشن کا کوئی انتظام نہیں ہے۔
جیوتیکا دتہ نے ہماچل کے نوجوان امور اور کھیل کود وزیر وکرمادتیہ سنگھ سے ملاقات کی اورتلوار بازی کو اسپورٹس کوٹہ دینے کا مطالبہ کیا۔
دراصل ہماچل میں کھلاڑیوں کے لیے سہولیات کا فقدان ہے۔ یہی وجہ ہے کہ کھلاڑی ہماچل سے ہجرت کرتے ہیں۔ ریاست میں تلواربازیجیسے کھیلوں پر حکومت کوئی توجہ نہیں دیتی۔
ہماچل میں کھیلوں کی سہولیات کی کمی کی وجہ سے، جیوتیکا دتہ نے پٹیالہ کے سائی (اسپورٹس اتھارٹی آف انڈیا) کے ہاسٹل میں داخلہ لیا اور تلواربازی میں اپنی مہارت کو بہتر کیا اور آج ہماچل کی شان بڑھا دی ہے۔
اب جیوتیکا کا اگلا ہدف ورڈ کپ میں تمغہ جیتنا ہے۔ انہیں 10 سے 12 نومبر تک اٹلی کے شہر میلان میں منعقد ہونے والے تلواربازی ورلڈ کپ کے لیے منتخب کیا گیا ہے۔ ورڈ کپ میں ملک کے صرف چار کھلاڑیوں نے حصہ لیا ہے جن میں جیوتیکا بھی شامل ہیں۔
ہندوستھان سماچار
