غازی آباد، 30 اکتوبر (ہ س)۔
غازی آباد کے مسوری تھانہ علاقہ میں طالبہ کیرتی کو لوٹنے والا بد معاش غازی آباد پولس انکاؤنٹر میں ہلاک ۔ اس انکوٗنٹر میں دوسرا بد معاش فرار ہونے میں کامیاب ہوگیا۔ انکاؤنٹر کے دوران ایک پولیس سب انسپکٹر بھانو پرکاش بھی بد معاشوں کی گولی سے زخمی ہو گیا۔ اس کو اسپتال میں داخل کروایا گیا ہے۔
پولیس کے ڈپٹی کمشنر، دیہی، وویک یادو نے پیر کو بتایا کہ انکاؤنٹر میں مارا گیا مجرم جتیندر عرف جیتو ہے ۔ 27 اکتوبر کو اس نے مسوری تھانہ علاقے میں ایک طالبہ کو لوٹا تھا ۔ لوٹ کے دوران طالبہ شدید زخمی ہوگئی تھی اور اسپتال میں دوران علاج دم توڑ دیا تھا ۔ اس معاملے میں مقدمہ درج کرتے ہوئے فرار مجرم پر 25000 روپے کے انعام کا اعلان کیا گیا تھا۔
ڈپٹی کمشنر آف پولیس دیہی نے بتایا کہ اتوار/پیر کی رات مسوری پولیس اسٹیشن کی ٹیم گنگ نہر کے کنارے چیکنگ کر رہی تھی۔ چیکنگ کے دوران پولیس نے دو ملزمان کو سامنے سے موٹر سائیکل پر آتے دیکھا۔ پولیس ٹیم نے موٹر سائیکل سواروں کو روکنے کی کوشش کی تو دونوں بھاگنے لگے اور پولیس پر فائرنگ شروع کر دی۔ اس فائرنگ میں ایک انسپکٹر بھانو پرکاش زخمی ہو گئے۔ پولیس نے بھی اپنے دفاع میں گولی چلائی تو جتیندر عرف جیتو زخمی ہو گیا ۔ اس دوران بدمعاش کا دوسرا ساتھی موقع سے فرار ہوگیا۔ زخمی مجرم کو فوری طور پر علاج کے لیے اسپتال بھیجا گیا، وہاں اس کو مردہ قرار دے دیا گیا۔ متوفی کے خلاف 12 فوجداری مقدمات درج تھے۔ ان جرائم میں ڈکیتی کی چھ سے زائد وارداتیں شامل ہیں۔
ہندوستھان سماچار/
/عطاءاللہ
