ہم اعتماد کے ساتھ یہ نہیں کہہ سکتے کہ ہدف کا پیچھا کرتے ہوئے ہمارے پاس کوئی منصوبہ ہے: باوما

ہم اعتماد کے ساتھ یہ نہیں کہہ سکتے کہ ہدف کا پیچھا کرتے ہوئے ہمارے پاس کوئی منصوبہ ہے: باوما

چنئی، 28 اکتوبر (ہ س)۔ جنوبی افریقہ بروز جمعہ پاکستان کو 1 وکٹ سے شکست دے کر ورلڈ کپ ٹیبل پر سرفہرست ہے اور ٹاپ فور میں جگہ بنانے کے لیے مضبوطی سے گامزن ہے لیکن اس کے کپتان ٹیمبا باوما نے اعتراف کیا کہ رن چیز کے تئیں ان کا نظریہ تشویش کا موضوع ہے، جس کے بارے میں بات چیت کی جائے گی۔

جنوبی افریقہ اب تک ٹورنامنٹ میں دو مختلف کرداروں والی ٹیم رہی ہے۔ پہلے بلے بازی کرتے ہوئے، وہ جارحانہ رہا، جس نے سری لنکا، آسٹریلیا، انگلینڈ اور بنگلہ دیش کے خلاف چار شاندار جیت میں 428، 311، 399 اور 382 کا مجموعی اسکور کیا۔

حالانکہ اہداف کا پیچھا کرتے ہوئے یہ ایک مختلف معاملہ رہا ہے۔ وہ دھرم شالہ میں نیدرلینڈز کے خلاف شرمناک طور پر ناکام ہوئے اور 207 رن پر آؤٹ ہونے کے بعد 38 رن سے ہار گئے، اور پاکستان کے خلاف 271 رنوں کا تعاقب کرتے ہوئے یہ تقریباً ایسی ہی کہانی تھی۔ 17 اوورز باقی رہ کر 4 وکٹ پر 206 کے آرام دہ اسکور کے ساتھ انہوں نے اگلے 12.3 اوورز میں 54 رن پر 5 وکٹیں گنوا دیں، اس سے پہلے کیشو مہاراج اور تبریز شمسی کی آخری جوڑی نے 11 رنوں کی ناٹ آوٹ شراکت کے ساتھ انہیں جیت دلائی۔

باوما نے میچ کے بعد کہا، ’’یہ ایک دلچسپ اختتام تھا۔ ظاہر ہے، اگر آپ جنوبی افریقہ کے پرستار ہیں، تو آپ نتیجہ سے کچھ زیادہ ہی خوش ہیں۔‘‘

انہوں نے کہا کہ بلے بازی کے ساتھ، ظاہر ہے کہ ہم پر ہدف کا تعاقب کرنے کا دباو تھا اور ہم نے اس میں بہتری لانے کے لیے کافی اچھا مظاہرہ نہیں کیا، ظاہر ہے ہم بات چیت کریں گے، لیکن اب جیت کے ساتھ بات چیت کرنا آسان ہو جائے گا۔ لیکن ایسا اس لیے ہوا کیونکہ ہم نے کھیل کو اس مقام تک پہنچایا۔‘‘

جنوبی افریقہ جس آسانی کے ساتھ پہلے بلے بازی کرتے ہوئے ڈیتھ اوورمیں دھماکے دار مظاہرہ کر رہا ہے، اس کے پیش نظر ان کے گرنے کا انداز ان کے حریفوں – کم از کم ان کے اگلے دو مخالفین، نیوزی لینڈ اور انڈیا نے دیکھا ہوگا۔

پاکستان کے خلاف ہلچل اس وقت شروع ہوئی جب ڈیوڈ ملر 32 گیندوں پر 29 رن بنا کر شاہین شاہ آفریدی کی گیند پر آؤٹ ہوگئے۔ شاہین نے اپنے دس اوورز میں 45 رن دے کر 3 وکٹیں حاصل کیں۔ اس کے بعد ایک گیند پر زبردست سیدھا چھکا لگانے کے بعد مارکو جانسن نے بیک ورڈ پوائنٹ پر حارث روف کو آسان کیچ دیا۔ انہوں نے 14 گیندوں پر 20 رن بنائے۔

پاکستان کے خلاف 1 وکٹ کی فتح کے بعد جنوبی افریقہ پوائنٹس ٹیبل پر سرفہرست آ گیا ہے جب کہ شکست کے بعد پاکستانی ٹیم ورلڈ کپ سے تقریباً باہر ہو چکی ہے، البتہ بقیہ تین میچز جیتنے کی صورت میں پاکستان کے لیے اب بھی کچھ امکانات ہیں۔

ہندوستھان سماچار

/شہزاد