لیجنڈس لیگ کرکٹ: 18 نومبر کو رانچی میں افتتاحی میچ
-گوتم گمبھیر، کرس گیل، پیٹرسن اور رینا جیسے کھلاڑی اپنا ٹیلنٹ کا مظاہرہ کریں گے
رانچی، 25 اکتوبر (ہ س)۔ لیجنڈس لیگ کرکٹ سیزن کا پہلا اور افتتاحی میچ 18 نومبر کو جھارکھنڈ کی راجدھانی کے جے ایس سی اے انٹرنیشنل کرکٹ اسٹیڈیم میں کھیلا جائے گا۔ یہ فیصلہ لیجنڈس لیگ کرکٹ 2023 سیزن کے مکمل شیڈول کے اعلان کے بعد کیا گیا ہے۔ میچ 18 نومبر سے 9 دسمبر تک ملک کے پانچ شہروں رانچی، دہرادون، جموں، ویزاگ اور سورت میں کھیلے جانے والے ہیں۔
اس سال لیجنڈز لیگ کرکٹ ٹورنامنٹ میں چھ ٹیمیں کھیلیں گی۔ لیجنڈس لیگ کرکٹ (ایل ایل سی) نے بھی ایل ایل سی کو پے ٹی ایم اور پے ٹی ایم انسائڈر کا خصوصی ٹکٹنگ پارٹنر بننے کا اعلان کیا ہے۔ ٹورنامنٹ کے ٹکٹ جلد ہی پے ٹی ایم اورپے ٹی ایم انسائڈر سے خریدنے کے لئے دستیاب ہوں گے۔ ایل ایل سی کا افتتاحی میچ 18 نومبر کو شام 7 بجے انڈیا کیپٹلس اور بھیلواڑہ کنگس کے درمیان رانچی میں شروع ہوگا۔
ٹورنامنٹ کے اس پہلے میچ میں سابق ہندوستانی کرکٹر گوتم گمبھیر (انڈیا کیپٹلس) اور ٹیم انڈیا کے سابق رکن عرفان پٹھان (بھیلواڑہ کنگس) بطور کپتان آمنے سامنے ہوں گے۔ دوسرا میچ منی پال ٹائیگرس اور گجرات جائنٹس کے درمیان 20 نومبر کو کھیلا جائے گا۔ 21 نومبر کو اربن رائزرس حیدرآباد اور سدرن سپر اسٹارس کے درمیان میچ ہوگا۔ 22 نومبر کو بھیلواڑہ کنگس اور گجرات جائنٹس اور 23 نومبر کو انڈیا کیپٹلس اور اربن رائزرس حیدرآباد کے درمیان میچ کھیلے جائیں گے۔ رانچی میں کل پانچ میچ کھیلے جانے ہیں۔ اس لیگ میں 22 دنوں میں کل 19 میچ کھیلے جائیں گے۔
چونکہ بہت سے لیجنڈس ایل ایل سی میں ایک ساتھ کھیل کر اپنی صلاھیت دکھا رہے ہوں گے، اس لئے جوش و خروش کا ماحول رہے گا ۔ اس میں گوتم گمبھیر، محمد کیف، ہربھجن سنگھ کے ساتھ عرفان پٹھان، یوسف پٹھان، تلک رتنا دلشان، پارتھیو پٹیل، کرس گیل، کیون اوبرائن، دلہر فرنینڈو، ہاشم آملا، کیون پیٹرسن، مناف پٹیل، رابن اتھپا، ایرون فنچ، اشوک ڈنڈا، راس ٹیلر، سریش رینا، مارٹن گپٹل، پرگیان اوجھا سمیت کئی معروف چہرے کھیلتے نظر آئیں گے۔
ہندوستھان سماچار
/شہزاد
