نئی دہلی، 20 اکتوبر (ہ س)۔ امریکی فیڈرل ریزرو کے سخت رویے اور بانڈ ایلڈ میں مسلسل اضافے کی وجہ سے گلوبل مارکیٹ آج بھی دباو کی صورتحال قائم ہے۔ وال اسٹریٹ انڈیکس گزشتہ سیشن کے دوران خسارے کے ساتھ بند ہوئے۔ اسی طرح ڈاو جونز فیوچرز بھی آج کمزوری کے ساتھ کاروبار کرتا ہوا نظر آ رہا ہے۔ یورپی مارکیٹ کے انڈیکس بھی گزشتہ سیشن کے دوران گرکر سرخ رنگ میں بند ہوئے۔ اسی طرح آج ایشیائی بازاروں میں مسلسل دباو کی صورتحال ہے۔
قابل ذکر ہے کہ امریکی فیڈرل ریزرو کے چیئرمین جیروم پاول نے مہنگائی پر قابو پانے کے لیے شرح سود میں مزید اضافے کی بات کی ہے۔ انہوں نے واضح کیا ہے کہ جب تک مہنگائی کی شرح 2 فیصد سے نیچے نہیں آتی، شرح سود میں اضافہ ہوتا رہے گا۔ اس کے ساتھ ساتھ بانڈ ایلڈ میں اضافے کا بھی مارکیٹ سینٹی منٹس پر منفی اثر پڑا ہے۔ 10 سال کا بانڈ ایلڈ گزشتہ سیشن کے دوران بڑھ کر 5 فیصد کی سطح تک پہنچ گیا، جو گزشتہ 16 سالوں میں اس کی بلند ترین سطح ہے۔
نگٹیو سینٹی منٹس کی وجہ سے ایس اینڈ پی 500 انڈیکس گزشتہ سیشن کے دوران 0.85 فیصد کی کمی کے ساتھ 4,278 پوائنٹس پر بند ہوا۔ اسی طرح نیس ڈیک نے 128.13 پوائنٹس یعنی 0.96 فیصد کی کمزوری کے ساتھ 13,186.017 پوائنٹس کی سطح پر گزشتہ سیشن کا کاروبار ختم کیا۔ ڈاو جونز فیوچرز فی الحال 0.08 فیصد کی کمی کے ساتھ 33,388.82 پوائنٹس کی سطح پر تجارت کر رہا ہے۔
امریکی مارکیٹ کی طرح یورپی بازار بھی گزشتہ سیشن کے دوران گراوٹ کے ساتھ بند ہوئے۔ ایف ٹی ایس ای انڈیکس 1.18 فیصد کی کمزوری کے ساتھ 7,499.53 پوائنٹس پر بند ہوا۔ اسی طرح، سی اے سی انڈیکس نے 0.64 فیصد گرکر 6,921.37 پوائنٹس کی سطح پر گزشتہ سیشن کا کاروبار ختم کیا۔ اس کے علاوہ ڈی اے ایکس انڈیکس 0.33 فیصد کی کمزوری کے ساتھ 15,045.23 پوائنٹس کی سطح پر بند ہوا۔
ایشیائی بازاروں پر آج مسلسل دباو¿ ہے۔ ایشیا کی تمام 9 بازاروں کے انڈیکس آج کمی کے ساتھ سرخ رنگ میں رہے۔ گفٹ نفٹی 0.03 فیصد کی کمزوری کے ساتھ 19,548.50 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.08 فیصد گر کر 3,097.05 پوائنٹس کی سطح پر نظر آ رہا ہے۔ نکئی انڈیکس اب تک کے کاروبار میں 97.89 پوائنٹس یعنی 0.31 فیصد گر کر 31,332.73 پوائنٹس کی سطح پر پہنچ گیا ہے۔ اسی طرح ہینگ سینگ انڈیکس 0.35 فیصد کی کمزوری کے ساتھ 17235.04 پوائنٹس کی سطح پر کاروبار کر رہا ہے ۔
کوسپی انڈیکس بھی اب تک کے کاروبار میں 1.37 فیصد کی کمی کے ساتھ 2,382.68 پوائنٹس کی سطح پر کاروبار کر رہا ہے۔ اسی طرح تائیوان ویٹڈ انڈیکس 0.26 فیصد کی کمزوری کے ساتھ 16,409.46 پوائنٹس کی سطح پر کاروبار کر رہا ہے۔ اس کے علاوہ سیٹ کمپوزٹ انڈیکس 0.78 فیصد کمی کے ساتھ 1,411.89 پوائنٹس کی سطح پر، جکارتہ کمپوزٹ انڈیکس 0.04 فیصد کمی کے ساتھ 6,843.75 پوائنٹس کی سطح پر اور شنگھائی کمپوزٹ انڈیکس 0.27 فیصد کی کمزوری کے ساتھ 2,297.29 پوائنٹس کی سطح پر کاروبار کر رہے ہیں۔
ہندوستھان سماچار
