اداکارہ شلپا شیٹی کے شوہر اور صنعت کار راج کندرا اس وقت سرخیوں میں ہیں۔ جلد ہی راج کندرا کی زندگی پر مبنی فلم ’یوٹی 69‘ ناظرین کے سامنے پیش کی جائے گی۔ اس فلم کا ٹریلر حال ہی میں ریلیز ہوا ہے۔ راج کندرا نے اپنے چہرے سے ماسک ہٹاکر پہلی بار میڈیا سے بات کی۔ اس بار انہوں نے آرتھر روڈ جیل میں اپنے تجربات شیئر کیے ہیں۔
راج کندرا نے کہا کہ ’آرتھر روڈ جیل نہیں ہے، یہ ایک ڈیٹنشن سینٹر ہے۔ یہاں محض ایک ملزم ہوتے ہوئے بھی آپ کے ساتھ ایک مجرم سے بھی بدتر سلوک کیا جاتا ہے، مجھے یہ بالکل پسند نہیں آیا۔ میری واضح رائے ہے کہ ایسی چیزوں میں اصلاح کی ضرورت ہے“۔’ آرتھر روڈ جیل کے وہ دن میرے لیے بہت مشکل تھے۔ میری بیوی اور میرے خاندان نے ان مشکل دنوں میں میری مدد کی۔ وہ 63 دن میری زندگی کے مشکل ترین دن تھے۔ میں دعا کرتا ہوں کہ کسی کو ایسے دن نہ دیکھنا پڑیں کیونکہ جیل دنیا کی بدترین جگہ ہے“۔
سال 2021 میں راج کندرا کو پورنوگرافی کیس میں گرفتار کیا گیا تھا۔ ان پر او ٹی ٹی ایپس کے ذریعے فحش مواد تقسیم کرنے کا الزام تھا۔ اس معاملے میں انہیں جیل بھی جانا پڑا۔ آرتھر روڈ جیل میں گزارے گئے راج کندرا کے دنوں پر جلد ہی ایک فلم ریلیز ہونے جا رہی ہے۔ ان کی بایوپک ’یوٹی 69‘ آئندہ 3 نومبر کو ریلیز ہوگی۔ اس فلم میں راج کندرا مرکزی کردار ادا کریں گے۔
ہندوستھان سماچار
