ਵਿਸ਼ਾਖਾਪਟਨਮ, 04 ਅਪ੍ਰੈਲ । ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਦੇ ਆਲਰਾਊਂਡਰ ਆਂਦਰੇ ਰਸੇਲ ਨੇ ਬੁੱਧਵਾਰ ਨੂੰ ਦਿੱਲੀ ਕੈਪੀਟਲਸ ਦੇ ਖਿਲਾਫ ਮੈਚ ਦੌਰਾਨ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਦੇ ਇਤਿਹਾਸ ਵਿੱਚ ਆਪਣੇ 200 ਛੱਕੇ ਪੂਰੇ ਕਰ ਲਏ। ਰਸੇਲ ਨੇ 215.79 ਦੀ ਸਟ੍ਰਾਈਕ ਰੇਟ ਨਾਲ ਸਿਰਫ 19 ਗੇਂਦਾਂ ‘ਤੇ 41 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ, ਜਿਸ ‘ਚ ਚਾਰ ਚੌਕੇ ਅਤੇ ਤਿੰਨ ਛੱਕੇ ਸ਼ਾਮਲ ਸਨ। ਸੱਜੇ ਹੱਥ ਦੇ ਬੱਲੇਬਾਜ਼ ਨੇ 17ਵੇਂ ਓਵਰ ‘ਚ ਮਿਸ਼ੇਲ ਮਾਰਸ਼ ‘ਤੇ ਛੱਕਾ ਲਗਾ ਕੇ ਆਪਣਾ 200ਵਾਂ ਛੱਕਾ ਪੂਰਾ ਕੀਤਾ।
ਇਸ ਤੋਂ ਪਹਿਲਾਂ ਪਿਛਲੇ ਹਫਤੇ ਸ਼ੁੱਕਰਵਾਰ ਨੂੰ ਰਸੇਲ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ‘ਚ 100 ਵਿਕਟਾਂ ਪੂਰੀਆਂ ਕੀਤੀਆਂ ਸਨ। ਰਸੇਲ ਨੇ ਚਿੰਨਾਸਵਾਮੀ ਸਟੇਡੀਅਮ ‘ਚ ਆਈਪੀਐੱਲ ਮੈਚ ‘ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰ.ਸੀ.ਬੀ.) ਖਿਲਾਫ ਇਹ ਉਪਲੱਬਧੀ ਹਾਸਲ ਕੀਤੀ ਸੀ।
ਮੈਚ ਦੀ ਗੱਲ ਕਰੀਏ ਤਾਂ ਇਸ ਮੁਕਾਬਲੇ ਵਿੱਚ ਕੇਕੇਆਰ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਸੁਨੀਲ ਨਰਾਇਣ (39 ਗੇਂਦਾਂ, 85 ਦੌੜਾਂ, 7 ਚੌਕੇ, 7 ਛੱਕੇ), ਅੰਗਕ੍ਰਿਸ਼ ਰਘੂਵੰਸ਼ੀ (27 ਗੇਂਦਾਂ, 54 ਦੌੜਾਂ, 5 ਚੌਕੇ, 3 ਛੱਕੇ), ਆਂਦਰੇ ਰਸਲ (19 ਗੇਂਦਾਂ, 41 ਦੌੜਾਂ, 4 ਚੌਕੇ, 3 ਛੱਕੇ) ਅਤੇ ਰਿੰਕੂ ਸਿੰਘ (8 ਗੇਂਦਾਂ, 26 ਦੌੜਾਂ, 1 ਚੌਕਾ, 3 ਛੱਕਾ) ਦੀਆਂ ਧਮਾਕੇਦਾਰ ਪਾਰੀਆਂ ਦੀ ਬਦੌਲਤ 20 ਓਵਰਾਂ ‘ਚ 7 ਵਿਕਟਾਂ ‘ਤੇ 272 ਦੌੜਾਂ ਦਾ ਵਿਸ਼ਾਲ ਸਕੋਰ ਬਣਾਇਆ। ਜਵਾਬ ‘ਚ ਦਿੱਲੀ ਦੀ ਟੀਮ 17.2 ਓਵਰਾਂ ‘ਚ 166 ਦੌੜਾਂ ‘ਤੇ ਸਿਮਟ ਗਈ। ਹਾਲਾਂਕਿ ਦਿੱਲੀ ਲਈ ਕਪਤਾਨ ਰਿਸ਼ਭ ਪੰਤ (55) ਅਤੇ ਟ੍ਰਿਸਟਨ ਸਟਬਸ (54) ਨੇ ਸ਼ਾਨਦਾਰ ਅਰਧ ਸੈਂਕੜੇ ਦੀ ਪਾਰੀ ਖੇਡੀ।
