ਲੱਦਾਖ, 29 ਸਤੰਬਰ (ਹਿ. ਸ.)। ਲੱਦਾਖ ’ਚ 19024 ਫੁੱਟ ਦੀ ਉਚਾਈ ’ਤੇ ਕੈਟਵਾਕ ਕਰਕੇ 16 ਦੇਸ਼ਾਂ ਦੀਆਂ ਸੁੰਦਰੀਆਂ ਨੇ ਜਲਵਾ ਦਿਖਾਇਆ। ਦੁਨੀਆ ਦੀ ਸਭ ਤੋਂ ਉੱਚੀ ਮੋਟਰੇਬਲ ਰੋਡ ਉਮਲਿੰਗ ਲਾ ’ਤੇ ਆਯੋਜਿਤ ਇਸ ਅੰਤਰਰਾਸ਼ਟਰੀ ਫੈਸ਼ਨ ਸ਼ੋਅ ਨੇ ਗਿਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ’ਚ ਆਪਣਾ ਨਾਮ ਦਰਜ ਕਰਵਾ ਲਿਆ ਹੈ।
ਲੱਦਾਖ ਆਰਟਸ ਐਂਡ ਐਂਟਰਟੇਨਮੈਂਟ ਅਲਾਇੰਸ ਨੇ ਐੱਲਏਐੱਚਡੀਸੀ ਲੇਹ ਅਤੇ ਬੀਆਰਓ ਦੇ ਸਹਿਯੋਗ ਨਾਲ ਮੋਟਰੇਬਲ ਰੋਡ ਉਮਲਿੰਗ ਲਾ ’ਤੇ ਅੰਤਰਰਾਸ਼ਟਰੀ ਫੈਸ਼ਨ ਰਨਵੇ-2023 ਦਾ ਆਯੋਜਨ ਕੀਤਾ। 16 ਦੇਸ਼ਾਂ ਦੀਆਂ ਸੁੰਦਰੀਆਂ ਨੇ 19,024 ਫੁੱਟ ਦੀ ਉਚਾਈ ’ਤੇ ਫੈਸ਼ਨ ਸ਼ੋਅ ਦੇ ਰੈਂਪ ’ਤੇ ਕੈਟਵਾਕ ਕਰਕੇ ਜਲਵਾ ਦਿਖਾਇਆ। ਮਾਡਲਾਂ ਨੇ ਰੇਸ਼ਮ ਦੇ ਬਣੇ ਕੱਪੜੇ ਪਾ ਕੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਲੱਦਾਖ ਦੇ ਰਵਾਇਤੀ ਪਹਿਰਾਵੇ ਅਤੇ ਪਸ਼ਮੀਨਾ ਇਸ ਫੈਸ਼ਨ ਸ਼ੋਅ ਦੇ ਮੁੱਖ ਆਕਰਸ਼ਣ ਸਨ। ਲੱਦਾਖ ’ਚ 19024 ਫੁੱਟ ਦੀ ਉਚਾਈ ’ਤੇ ਆਯੋਜਿਤ ਇਸ ਫੈਸ਼ਨ ਸ਼ੋਅ ਨੇ ਗਿਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ’ਚ ਆਪਣਾ ਨਾਮ ਦਰਜ ਕਰਵਾਇਆ ਹੈ।
ਪ੍ਰੋਗਰਾਮ ਦੀ ਸਮਾਪਤੀ ਤੋਂ ਬਾਅਦ ਉਮਲਿੰਗ ਲਾ ਵਿਖੇ ਬੁੱਧ ਦੀ ਮੂਰਤੀ ਸਥਾਪਿਤ ਕਰਨ ਦਾ ਨੀਂਹ ਪੱਥਰ ਰੱਖਿਆ ਗਿਆ। ਕਾਰਜਕਾਰੀ ਕੌਂਸਲਰ ਆਰਡੀਡੀ, ਐਲਏਐਚਡੀਸੀ ਲੇਹ ਤਾਸ਼ੀ ਨਾਮਗਿਆਲ ਯਾਕਜੀ ਨੇ ਕਿਹਾ ਕਿ ਇਹ ਬੁੱਧ ਦੀ ਮੂਰਤੀ ਸਰਹੱਦ ’ਤੇ ਵਿਸ਼ਵ ਸ਼ਾਂਤੀ ਦੀ ਮਿਸਾਲ ਕਾਇਮ ਕਰੇਗੀ। ਅਜਿਹੇ ਸਮਾਗਮ ਮੁੱਖ ਤੌਰ ’ਤੇ ਸਰਹੱਦੀ ਸੈਰ-ਸਪਾਟੇ ਨੂੰ ਮਜ਼ਬੂਤ ਕਰਨ ਅਤੇ ਚਾਂਗਥਾਂਗ ਘਾਟੀ ਦੇ ਕਬਾਇਲੀ ਲੋਕਾਂ ਲਈ ਉਲਟਾ ਪ੍ਰਵਾਸ ਨੂੰ ਉਤਸ਼ਾਹਿਤ ਕਰਨ ’ਤੇ ਕੇਂਦਰਿਤ ਹੋਣਗੇ। ਗ੍ਰਹਿ ਮੰਤਰਾਲੇ ਦੇ ਹੁਕਮਾਂ ਤੋਂ ਬਾਅਦ ਹੁਣ ਵਿਦੇਸ਼ੀ ਸੈਲਾਨੀਆਂ ਨੂੰ ਚੀਨ ਦੀ ਸਰਹੱਦ ਨਾਲ ਲੱਗਦੇ ਪੂਰਬੀ ਲੱਦਾਖ ਵਿੱਚ ਜਾਣ ਅਤੇ ਰਾਤ ਕੱਟਣ ਦੀ ਇਜਾਜ਼ਤ ਦਿੱਤੀ ਗਈ ਹੈ। ਉਨ੍ਹਾਂ ਨੇ ਖੇਤਰ ਵਿੱਚ ਬੁਨਿਆਦੀ ਢਾਂਚੇ ਦੇ ਵਿਕਾਸ ਵਿੱਚ ਬੀਆਰਓ ਦੇ ਯਤਨਾਂ ਦੀ ਭਰਪੂਰ ਸ਼ਲਾਘਾ ਕੀਤੀ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
