ਦੇਹਰਾਦੂਨ, 26 ਸਤੰਬਰ (ਹਿ. ਸ.)। ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ ਨੇ ਬਰਤਾਨੀਆ ਵਿੱਚ ਰਹਿ ਰਹੇ ਪ੍ਰਵਾਸੀ ਉੱਤਰਾਖੰਡੀਆਂ ਨੂੰ ਸਾਲ ਵਿੱਚ ਇੱਕ ਵਾਰ ਆਪਣੇ ਸੂਬੇ ਦਾ ਦੌਰਾ ਕਰਨ ਦਾ ਸੱਦਾ ਦਿੱਤਾ ਹੈ। ਦਸੰਬਰ ’ਚ ਉੱਤਰਾਖੰਡ ਵਿੱਚ ਹੋਣ ਵਾਲੇ ਇਨਵੈਂਟਰਸ ਸਮਿੱਟ ਦੇ ਮੱਦੇਨਜ਼ਰ ਧਾਮੀ ਸੋਮਵਾਰ ਨੂੰ ਬ੍ਰਿਟੇਨ ਦੇ ਚਾਰ ਦਿਨਾਂ ਦੌਰੇ ’ਤੇ ਲੰਡਨ ਪਹੁੰਚੇ। ਲੰਡਨ ਪਹੁੰਚਣ ’ਤੇ ਪ੍ਰਵਾਸੀ ਭਾਰਤੀਆਂ ਅਤੇ ਉੱਤਰਾਖੰਡ ਦੇ ਲੋਕਾਂ ਨੇ ਉਨ੍ਹਾਂ ਦਾ ਰਵਾਇਤੀ ਪਹਿਰਾਵੇ ’ਚ ਗੜ੍ਹਵਾਲੀ, ਕੁਮਾਉਨੀ ਅਤੇ ਜੌਨਸਾਰੀ ਲੋਕ ਗੀਤਾਂ ਨਾਲ ਸਵਾਗਤ ਕੀਤਾ।
ਇਸ ਮੌਕੇ ਧਾਮੀ ਨੇ ਕਿਹਾ ਕਿ ਉਤਰਾਖੰਡ ਦੇਵਭੂਮੀ ਦੀ ਧਰਤੀ ਹੋਣ ਦੇ ਨਾਲ-ਨਾਲ ਯੋਗ ਅਤੇ ਅਧਿਆਤਮਿਕਤਾ ਦੀ ਧਰਤੀ ਵੀ ਹੈ। ਉੱਤਰਾਖੰਡ ਦੇਸ਼ ਦੀ ਅਮੀਰ ਸੱਭਿਆਚਾਰਕ ਵਿਰਾਸਤ ਦਾ ਵੀ ਪ੍ਰਤੀਕ ਹੈ। ਸਾਨੂੰ ਮਾਣ ਹੈ ਕਿ ਸਾਡੀਆਂ ਜੜ੍ਹਾਂ ਉੱਤਰਾਖੰਡ ਨਾਲ ਜੁੜੀਆਂ ਹੋਈਆਂ ਹਨ। ਮੁੱਖ ਮੰਤਰੀ ਨੇ ਲੰਡਨ ਵਿੱਚ ਰਹਿ ਰਹੇ ਉੱਤਰਾਖੰਡ ਦੇ ਸਾਰੇ ਪ੍ਰਵਾਸੀ ਲੋਕਾਂ ਦਾ ਧੰਨਵਾਦ ਕੀਤਾ।ਉਨ੍ਹਾਂ ਕਿਹਾ ਕਿ ਇਹ ਉਨ੍ਹਾਂ ਦੀ ਖੁਸ਼ਕਿਸਮਤੀ ਹੈ ਕਿ ਉੱਤਰਾਖੰਡ ਦੇ ਮੁੱਖ ਸੇਵਾਦਾਰ ਹੋਣ ਦੇ ਨਾਤੇ ਉਨ੍ਹਾਂ ਨੂੰ ਇਨਵੈਂਟਰਜ਼ ਸਮਿਟ ਮੀਟਿੰਗ ਵਿੱਚ ਸ਼ਾਮਲ ਹੋਣ ਲਈ ਲੰਡਨ ਆਉਣ ਦਾ ਮੌਕਾ ਮਿਲਿਆ। ਤੁਹਾਡੇ ਸਾਰਿਆਂ ਦੀ ਵੱਡੀ ਗਿਣਤੀ ਨੂੰ ਦੇਖ ਕੇ ਲੱਗਦਾ ਹੈ ਕਿ ਕੋਈ ਮਿੰਨੀ ਉੱਤਰਾਖੰਡ ਯੂ.ਕੇ. ਵੱਸਦਾ ਹੈ।
ਮੁੱਖ ਮੰਤਰੀ ਨੇ ਕਿਹਾ ਕਿ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਵਿਸ਼ਵ ਵਿੱਚ ਭਾਰਤ ਦਾ ਮਾਣ, ਸਨਾਮਨ ਅਤੇ ਸਵੈਮਾਣ ਵਧਿਆ ਹੈ। ਅੱਜ ਵਿਦੇਸ਼ਾਂ ਵਿੱਚ ਏਕ ਭਾਰਤ ਸ੍ਰੇਸ਼ਠ ਭਾਰਤ ਦੇ ਸੰਕਲਪ ਨੂੰ ਠੋਸ ਰੂਪ ਦਿੱਤਾ ਜਾ ਰਿਹਾ ਹੈ। ਭਾਰਤ ਤੇਜ਼ੀ ਨਾਲ ਵਿਸ਼ਵ ਗੁਰੂ ਬਣਨ ਵੱਲ ਵਧ ਰਿਹਾ ਹੈ। ਚੰਦਰਯਾਨ-3 ਦਾ ਹਾਲ ਹੀ ਵਿਚ ਸਫਲ ਲਾਂਚਿੰਗ ਅਤੇ ਚੰਦਰਮਾ ’ਤੇ ਸੁਰੱਖਿਅਤ ਲੈਂਡਿੰਗ ਇਸ ਦੀ ਪ੍ਰਤੱਖ ਉਦਾਹਰਣ ਹੈ।
ਧਾਮੀ ਸੂਬਾ ਸਰਕਾਰ ਦੇ ਵਫ਼ਦ ਨਾਲ ਇੱਥੇ ਪੁੱਜੇ ਹਨ। ਇਹ ਵਫ਼ਦ 29 ਸਤੰਬਰ ਤੱਕ ਬਰਤਾਨੀਆ ਦੌਰੇ ’ਤੇ ਰਹੇਗਾ। ਇਸ ਦੌਰਾਨ ਦੁਨੀਆ ਦੇ ਵੱਡੇ ਕਾਰੋਬਾਰੀ ਘਰਾਣਿਆਂ ਦੇ ਨੁਮਾਇੰਦਿਆਂ ਨੂੰ ਲੰਡਨ ਅਤੇ ਬਰਮਿੰਘਮ ਵਿੱਚ ਮਿਲ ਕੇ ਦਸੰਬਰ ਵਿੱਚ ਹੋਣ ਵਾਲੇ ਗਲੋਬਲ ਨਿਵੇਸ਼ਕ ਸੰਮੇਲਨ ਲਈ ਸੱਦਾ ਦਿੱਤਾ ਜਾਵੇਗਾ। ਲੰਡਨ ਅਤੇ ਬਰਮਿੰਘਮ ਵਿੱਚ ਸੈਰ-ਸਪਾਟਾ, ਆਈ.ਟੀ., ਸਿੱਖਿਆ, ਸਿਹਤ ਸੰਭਾਲ, ਫੂਡ ਪ੍ਰੋਸੈਸਿੰਗ ਅਤੇ ਆਟੋਮੋਬਾਈਲ ਉਦਯੋਗ ਦੇ ਘਰਾਣਿਆਂ ਨਾਲ ਮੀਟਿੰਗਾਂ ਕੀਤੀਆਂ ਜਾਣਗੀਆਂ।
ਵਫ਼ਦ 27 ਸਤੰਬਰ ਨੂੰ ਬਰਮਿੰਘਮ ਵਿੱਚ ਡਬਲਯੂਐਮਜੀ ਵਾਰਬਿਕ ਮੈਨੂਫੈਕਚਰਿੰਗ ਗਰੁੱਪ ਨਾਲ ਮੁਲਾਕਾਤ ਕਰੇਗਾ। ਟੀਵੀਐਸ ਨੌਰਟਨ ਗਰੁੱਪ ਨਾਲ ਉਤਰਾਖੰਡ ਵਿੱਚ ਨਿਵੇਸ਼ ਦੀਆਂ ਸੰਭਾਵਨਾਵਾਂ ਬਾਰੇ ਚਰਚਾ ਕੀਤੀ ਜਾਵੇਗੀ। ਇਸ ਮੌਕੇ ਸਕੱਤਰ (ਮੁੱਖ ਮੰਤਰੀ) ਡਾ. ਆਰ. ਮੀਨਾਕਸ਼ੀ ਸੁੰਦਰਮ, ਸਕੱਤਰ ਵਿਨੈ ਸ਼ੰਕਰ ਪਾਂਡੇ, ਡਾਇਰੈਕਟਰ ਜਨਰਲ (ਉਦਯੋਗ) ਰੋਹਿਤ ਮੀਨਾ, ਸਥਾਨਕ ਕਮਿਸ਼ਨਰ ਅਜੇ ਮਿਸ਼ਰਾ ਹਾਜ਼ਰ ਸਨ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
