ਕੁੱਲੂ, 12 ਫਰਵਰੀ : ਥਾਣਾ ਕੁੱਲੂ ਅਤੇ ਭੁੰਤਰ ਤਹਿਤ ਪੁਲਿਸ ਨੇ ਚਰਸ ਤਸਕਰੀ ਦੇ ਦੋਸ਼ ’ਚ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਚਰਸ ਦੀ ਖੇਪ ਨੂੰ ਕਬਜ਼ੇ ‘ਚ ਲੈ ਕੇ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਪੁਲਿਸ ਟੀਮ ਸੋਮਵਾਰ ਨੂੰ ਕੁੱਲੂ ਦੇ ਛਰੋੜ ਨਾਲੇ ‘ਚ ਨਾਕੇ ‘ਤੇ ਮੌਜੂਦ ਸੀ। ਉਸੇ ਸਮੇਂ ਸਾਹਮਣੇ ਤੋਂ ਇੱਕ ਵਿਅਕਤੀ ਆਇਆ। ਤਲਾਸ਼ੀ ਦੌਰਾਨ ਪੁਲਿਸ ਨੇ ਉਕਤ ਵਿਅਕਤੀ ਦੇ ਕਬਜ਼ੇ ‘ਚੋਂ 765 ਗ੍ਰਾਮ ਚਰਸ ਬਰਾਮਦ ਕੀਤੀ। ਪੁਲਿਸ ਨੇ ਮੁਲਜ਼ਮ ਪ੍ਰਦੀਪ (33) ਪੁੱਤਰ ਜੋਗੀ ਰਾਮ ਵਾਸੀ ਪਿੰਡ ਤੇ ਡਾਕਖਾਨਾ ਪਧੀਪੁਰ ਤਹਿਸੀਲ ਬੇਰੀ ਜ਼ਿਲ੍ਹਾ ਝੱਜਰ (ਹਰਿਆਣਾ) ਖ਼ਿਲਾਫ਼ ਨਾਰਕੋਟਿਕ ਡਰੱਗਜ਼ ਐਕਟ ਤਹਿਤ ਕੇਸ ਦਰਜ ਕਰ ਲਿਆ ਹੈ।
ਐੱਸ.ਪੀ. ਡਾ.ਕਾਰਤੀਕੇਯਨ ਗੋਕੁਲ ਚੰਦਰਨ ਨੇ ਦੱਸਿਆ ਕਿ ਇੱਕ ਹੋਰ ਮਾਮਲੇ ਵਿੱਚ ਭੁੰਤਰ ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ ਕਾਰ ਐੱਚ.ਪੀ 01 ਡੀ – 5906 ਨੂੰ ਸਿਯੁੰਡ ਵਿੱਚ ਰੋਕ ਕੇ ਕਾਰਵਾਈ ਕਰਦੇ ਹੋਏ ਅਭਿਲਾਸ਼ (34) ਪੁੱਤਰ ਦੇਵ ਰਾਜ ਵਾਸੀ ਟੀਲੂ ਡਾਕਖਾਨਾ, ਖਨਿਆਰਾ ਤਹਿਸੀਲ, ਧਰਮਸ਼ਾਲਾ ਜ਼ਿਲ੍ਹਾ ਕਾਂਗੜਾ ਦੇ ਕਬਜ਼ੇ ਵਿੱਚੋਂ 279 ਗ੍ਰਾਮ ਚਰਸ ਬਰਾਮਦ ਕੀਤੀ ਹੈ ਅਤੇ ਗੱਡੀ ਦੇ ਡਰਾਈਵਰ ਦੀ ਪਛਾਣ ਸੰਜੀਵ ਕੁਮਾਰ (38) ਪੁੱਤਰ ਮਾਲੀ ਰਾਮ ਵਾਸੀ ਨਡੀ ਡਾਕਘਰ, ਖਨਿਆਰਾ ਤਹਿਸੀਲ, ਧਰਮਸ਼ਾਲਾ ਜ਼ਿਲ੍ਹਾ ਕਾਂਗੜਾ ਵਜੋਂ ਹੋਈ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ
