ਗਾਜ਼ਾ ਸਿਟੀ, 25 ਸਤੰਬਰ (ਹਿ. ਸ.)। ਗਾਜ਼ਾ ਪੱਟੀ ਵਿੱਚ ਰੋਮਨ ਯੁੱਗ ਦੇ ਕਬਰਸਤਾਨ ਵਿੱਚ ਦਰਜਨਾਂ ਪ੍ਰਾਚੀਨ ਕਬਰਾਂ ਅਤੇ ਦੋ ਸੀਸ਼ੇ ਵਾਲੇ ਤਾਬੂਤ ਮਿਲੇ ਹਨ। ਇਹ ਸਾਈਟ ਲਗਭਗ 2000 ਸਾਲ ਪੁਰਾਣੀ ਹੈ ਅਤੇ ਪੁਰਾਤੱਤਵ ਵਿਗਿਆਨੀ ਇਸਨੂੰ ਗਾਜ਼ਾ ਵਿੱਚ ਹੁਣ ਤੱਕ ਦਾ ਸਭ ਤੋਂ ਵੱਡਾ ਕਬਰਸਤਾਨ ਕਹਿ ਰਹੇ ਹਨ।
ਕਾਮੇ ਪਿਛਲੇ ਸਾਲ ਉੱਤਰੀ ਗਾਜ਼ਾ ਪੱਟੀ ਵਿੱਚ ਜਬਾਲੀਆ ਦੇ ਨੇੜੇ ਇੱਕ ਮਿਸਰ ਦੁਆਰਾ ਫੰਡ ਕੀਤੇ ਹਾਊਸਿੰਗ ਪ੍ਰੋਜੈਕਟ ਦੇ ਨਿਰਮਾਣ ਦੌਰਾਨ ਸਾਈਟ ’ਤੇ ਆਏ ਸਨ। ਇਸ ਤੋਂ ਬਾਅਦ ਮਜ਼ਦੂਰਾਂ ਨੇ ਫਰਾਂਸੀਸੀ ਮਾਹਿਰਾਂ ਦੀ ਮਦਦ ਨਾਲ 2700 ਵਰਗ ਮੀਟਰ ਖੇਤਰ ਵਿੱਚ ਖੁਦਾਈ ਦਾ ਕੰਮ ਕੀਤਾ। ਇਹ ਸਾਈਟ ਹੁਣ ਪੁਰਾਤੱਤਵ ਵਿਗਿਆਨੀਆਂ ਲਈ ‘ਸੋਨੇ ਦੀ ਖਾਨ’ ਸਾਬਤ ਹੋ ਰਹੀ ਹੈ। ਪੁਰਾਤੱਤਵ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਜਨਵਰੀ ਵਿੱਚ ਸਾਈਟ ’ਤੇ 60 ਕਬਰਾਂ ਦੀ ਖੋਜ ਇੱਕ ਵੱਡੀ ਸਫਲਤਾ ਸੀ, ਪਰ ਹੁਣ ਇਹ ਗਿਣਤੀ 135 ਹੋ ਗਈ ਹੈ। ਖੁਦਾਈ ਦੀ ਅਗਵਾਈ ਕਰਨ ਵਾਲੇ ਫਰਾਂਸੀਸੀ ਪੁਰਾਤੱਤਵ ਵਿਗਿਆਨੀ ਰੇਨੇ ਅਲਟਰ ਨੇ ਕਿਹਾ ਕਿ ਖੋਜਕਰਤਾਵਾਂ ਨੇ 100 ਤੋਂ ਵੱਧ ਕਬਰਾਂ ਦਾ ਅਧਿਐਨ ਕੀਤਾ ਹੈ।
ਐਲਟਰ ਨੇ ਸੀਸ਼ੇ ਦੇ ਤਾਬੂਤ ਵੱਲ ਇਸ਼ਾਰਾ ਕਰਦੇ ਹੋਏ, ਇੱਕ ’ਚ ਅੰਗੂਰ ਦੇ ਪੱਤੇ, ਦੂਜੇ ਵਿੱਚ ਡਾਲਫਿਨ ਦੀਆਂ ਤਸਵੀਰਾਂ ਹਨ। ਉਨ੍ਹਾਂ ਨੇ ਇਸ ਨੂੰ ਅਸਾਧਾਰਨ ਖੋਜ ਦੱਸਿਆ। ਉਨ੍ਹਾਂ ਕਿਹਾ ਕਿ ਗਾਜ਼ਾ ਵਿੱਚ ਪਹਿਲੀ ਵਾਰ ਸੀਸ਼ੇ ਦੇ ਬਣੇ ਤਾਬੂਤ ਦੀ ਖੋਜ ਕੀਤੀ ਗਈ ਹੈ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
