ਗੁਵਾਹਾਟੀ, 13 ਦਸੰਬਰ (ਹਿ. ਸ.)। ਜੋਰਾਬਾਟ ਪੁਲਿਸ ਦੀ ਟੀਮ ਨੇ ਤਲਾਸ਼ੀ ਮੁਹਿੰਮ ਚਲਾਉਂਦੇ ਹੋਏ 30 ਪਸ਼ੂਆਂ ਨਾਲ ਭਰਿਆ ਇੱਕ ਟਰੱਕ ਜ਼ਬਤ ਕੀਤਾ ਹੈ। ਪੁਲਿਸ ਨੇ ਬੁੱਧਵਾਰ ਨੂੰ ਦੱਸਿਆ ਕਿ ਇਕ ਸੂਚਨਾ ਦੇ ਆਧਾਰ ‘ਤੇ ਆਊਟ ਪੋਸਟ ਖੇਤਰ ‘ਚ ਜੋਰਾਬਾਟ ਦੇ ਲਿੰਕ ਰੋਡ ‘ਤੇ ਕੀਤੀ ਗਈ ਕਾਰਵਾਈ ਦੌਰਾਨ ਇਕ ਟਰੱਕ (ਏ.ਐੱਸ.-01 ਕਿਊਸੀ-6216) ਨੂੰ ਜ਼ਬਤ ਕੀਤਾ ਗਿਆ। ਜ਼ਬਤ ਕੀਤੇ ਗਏ ਵਾਹਨ ‘ਚ 30 ਪਸ਼ੂਆਂ ਦੀ ਗੈਰ-ਕਾਨੂੰਨੀ ਤੌਰ ‘ਤੇ ਸਿਲਾਪਥਾਰ ਤੋਂ ਮੇਘਾਲਿਆ ਦੇ ਰਸਤੇ ਬੰਗਲਾਦੇਸ਼ ਦੀ ਪਸ਼ੂ ਮੰਡੀ ‘ਚ ਤਸਕਰੀ ਕੀਤੀ ਜਾ ਰਹੀ ਸੀ।
ਇਸ ਮਾਮਲੇ ਵਿੱਚ ਟਰੱਕ ਡਰਾਈਵਰ ਮਾਫੀਜੁਲ ਇਸਲਾਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਪਸ਼ੂ ਤਸਕਰ ਅਲਾਮਿਨ ਹੱਕ ਨੂੰ ਵੀ ਕਾਰ ਸਮੇਤ ਗ੍ਰਿਫ਼ਤਾਰ ਕਰ ਲਿਆ ਹੈ। ਬਰਾਮਦ ਕੀਤੇ ਗਏ ਸਾਰੇ ਪਸ਼ੂ ਬਹੁਤ ਹੀ ਬੇਰਹਿਮੀ ਨਾਲ ਲਿਆਂਦੇ ਜਾ ਰਹੇ ਸਨ। ਗੌਰਤਲਬ ਹੈ ਕਿ ਸੂਬੇ ਵਿੱਚ ਸਖ਼ਤ ਪਸ਼ੂ ਕਾਨੂੰਨ ਲਾਗੂ ਹਨ, ਫਿਰ ਵੀ ਪਸ਼ੂਆਂ ਦੀ ਤਸਕਰੀ ਜਾਰੀ ਹੈ। ਪੁਲਿਸ ਇਸ ਸਬੰਧੀ ਪਸ਼ੂ ਤਸਕਰੀ ਐਕਟ ਤਹਿਤ ਮਾਮਲਾ ਦਰਜ ਕਰਕੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
