ਨਵੀਂ ਦਿੱਲੀ, 03 ਅਕਤੂਬਰ। ਸਤੰਬਰ ਮਹੀਨੇ ‘ਚ ਦੇਸ਼ ਅਤੇ ਨਿੱਜੀ ਖੇਤਰ ਦੀ ਦੋਪਹੀਆ ਵਾਹਨ ਨਿਰਮਾਤਾ ਕੰਪਨੀ ਬਜਾਜ ਆਟੋ ਲਿਮਟਿਡ ਦੀ ਕੁੱਲ ਵਿਕਰੀ ਸਾਲਾਨਾ ਆਧਾਰ ‘ਤੇ ਇਕ ਫੀਸਦੀ ਘੱਟ ਕੇ 3,92,558 ਇਕਾਈ ਰਹਿ ਗਈ। ਕੰਪਨੀ ਨੇ ਸਤੰਬਰ 2022 ਵਿੱਚ ਕੁੱਲ 3,94,747 ਯੂਨਿਟ ਵੇਚੇ ਸਨ।
ਬਜਾਜ ਆਟੋ ਲਿਮਟਿਡ ਨੇ ਮੰਗਲਵਾਰ ਨੂੰ ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਜਾਣਕਾਰੀ ‘ਚ ਕਿਹਾ ਕਿ ਸਤੰਬਰ ‘ਚ ਦੋਪਹੀਆ ਵਾਹਨਾਂ ਦੀ ਕੁੱਲ ਵਿਕਰੀ 3,27,712 ਇਕਾਈ ਰਹੀ, ਜਦੋਂ ਕਿ ਇਕ ਸਾਲ ਪਹਿਲਾਂ ਦੀ ਇਸੇ ਮਿਆਦ ‘ਚ ਇਹ 3,48,355 ਇਕਾਈ ਸੀ। ਘਰੇਲੂ ਦੋਪਹੀਆ ਵਾਹਨਾਂ ਦੀ ਵਿਕਰੀ 2,02,510 ਇਕਾਈ ਰਹੀ ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ‘ਚ 2,22,912 ਇਕਾਈ ਸੀ।
ਦੋਪਹੀਆ ਵਾਹਨਾਂ ਦਾ ਨਿਰਯਾਤ ਸਤੰਬਰ 2023 ਵਿੱਚ ਮਾਮੂਲੀ ਤੌਰ ‘ਤੇ ਘਟ ਕੇ 1,25,202 ਯੂਨਿਟ ਰਹਿ ਗਿਆ, ਜਦੋਂ ਕਿ ਪਿਛਲੇ ਸਾਲ ਸਤੰਬਰ ਵਿੱਚ ਇਹ 1,25,443 ਯੂਨਿਟ ਸੀ। ਇਸ ਮਿਆਦ ਦੇ ਦੌਰਾਨ ਕੁੱਲ ਵਪਾਰਕ ਵਾਹਨਾਂ ਦੀ ਵਿਕਰੀ ਹਾਲਾਂਕਿ 40 ਫੀਸਦੀ ਵਧ ਕੇ 64,846 ਇਕਾਈ ਰਹੀ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਵਿੱਚ 46,392 ਯੂਨਿਟ ਸੀ।
