ବଲାଙ୍ଗିର, ୩୦ ନଭେମ୍ବର (ହି.ସ.)- ବଲାଙ୍ଗୀର ସ୍ଥିତ ଜିଲ୍ଲା ସାମ୍ବାଦିକ ଭବନ ଠାରେ ଷ୍ଟେଟ ୟୁନିୟନ ଅଫ ଜର୍ଣ୍ଣାଲିଷ୍ଟସ ସଂଘର ଆଞ୍ଚଳିକ ସମାବେଶ ଆଜି ଅନୁଷ୍ଠିତ ହୋଇଯାଇଛି। ଏସୟୁଜେ ର ରାଜ୍ୟ ସଭାପତି କୈଳାଶ ଚନ୍ଦ୍ର ନାୟକଙ୍କ ସଭାପତିତ୍ୱରେ ଅନୁଷ୍ଠିତ ସମାବେଶରେ ଦକ୍ଷିଣ ଓ ପଶ୍ଚିମ ଅଂଚଳର ୧୩ଟି ଜିଲ୍ଲାର କର୍ମକର୍ତା ଯୋଗଦେଇଥିଲେ।
ଏସୟୁଜେ ସାମ୍ବାଦିକ ସଂଘ ଏକ ଶୃଙ୍ଖଳିତ ସଂଗଠନ ଭାବେ ପରିଚୟ ହାସଲ କରିଛି, ସଦସ୍ୟ ମାନଙ୍କ ମଧ୍ୟରେ ଆତ୍ମୀୟତା ଭାବ ଓ ସାମ୍ବାଦିକଙ୍କ ସମ୍ମାନ ଓ ସୁରକ୍ଷା ପାଇଁ ନିରବଛିନ୍ନ ଭାବେ ସଂଘ ସଂଗ୍ରାମ ଜାରି ରଖିଥିବାରୁ ଏଥିରେ ଅନୁପ୍ରାଣିତ ହୋଇ ବଲାଙ୍ଗୀର, ନୂଆପଡା, କଳାହାଣ୍ଡି ଜିଲ୍ଲାର ଅନେକ ପ୍ରତିଷ୍ଠିତ ସାମ୍ବାଦିକ ସଂଘରେ ସାମିଲ ହୋଇଥିଲେ।
ମୂଲ୍ୟବୋଧ ଭିତିକ ସାମ୍ବାଦିକତା ଏକ ଆହ୍ବାନ ଆଲୋଚନାଚକ୍ରରେ ମୁଖ୍ୟ ଅତିଥି ଭାବେ ବଲାଙ୍ଗୀର ପୌରପାଳିକାର ପୌରାଧ୍ୟକ୍ଷା ଶ୍ରୀମତୀ ଲିକା ସାହୁ ଯୋଗଦେଇ ସାମ୍ବାଦିକଙ୍କ ସମସ୍ୟା ଗୁଡିକର ସମାଧାନ ପାଇଁ ସରକାର ପଦକ୍ଷେପ ଗ୍ରହଣ କରିବା ଆବଶ୍ୟକ ବୋଲି ମତ ଦେଇଥିଲେ।ବଲାଙ୍ଗୀର ମହିଳା ମହାବିଦ୍ୟାଳୟର ଅଧ୍ୟକ୍ଷ ଡଃ. ଅରବିନ୍ଦ ଓଝା ସମାଜ ଗଠନ ଓ ରାଷ୍ଟ୍ର ନିର୍ମାଣରେ ସାମ୍ବାଦିକଙ୍କ ପ୍ରମୁଖ ଭୂମିକା ରହିଥିବା କହିଥିଲେ। ରାଜ୍ୟ କାର୍ଯ୍ୟକାରୀ ସଭାପତି କୀର୍ତି ଚନ୍ଦ୍ର ସାହୁ, ଟ୍ରିବୁନାଲ ଅଧ୍ୟକ୍ଷ ସନ୍ତୋଷ କୁମାର ମିଶ୍ର, ରାଜ୍ୟ ସାଧାରଣ ସମ୍ପାଦକ ପ୍ରଶାନ୍ତ କୁମାର ପାଢି, ଏନୟୁ ଜେ ଆଇ ର ସଂଗଠନ ସମ୍ପାଦକ ଡଃ. ଚିନ୍ତାମଣି ପାଢି, ରାଜ୍ୟ ଯୋଗାଯୋଗ ପ୍ରମୁଖ ଶଶିଭୂଷଣ ଷଡ଼ଙ୍ଗୀ, ରାଜ୍ୟ ଉପସଭାପତି ମହେନ୍ଦ୍ର କୁମାର ଦର୍ଜି, ସମରେଶ ମିଶ୍ର, ରାଜ୍ୟ ଉପଦେଷ୍ଟା ଗୋପବନ୍ଧୁ ଶତପଥୀ ପ୍ରମୁଖ ଯୋଗଦେଇ ସାମ୍ବାଦିଜମାନେ ନିଜର ଦାୟିତ୍ୱ ପ୍ରତି ସଚେତନ ହୋଇ ସମାଜର ହିତକୁ ଦୃଷ୍ଟିରେ ରଖି କାର୍ଯ୍ୟ କରିବା ସହ ସଂଗଠନକୁ ସଶକ୍ତ କରିବା ପାଇଁ ଗୁରୁତ୍ୱ ଆରୋପ କରିଥିଲେ।
ବଲାଙ୍ଗୀର ଜିଲ୍ଲା ଶାଖା ସଭାପତି ଶରତ ଚନ୍ଦ୍ର ମହାକୁର ଜିଲ୍ଲାର ସାମ୍ବାଦିକ ମାନଙ୍କ ସମସ୍ୟା ଓ ସଂଗଠନର ଶକ୍ତି ବୃଦ୍ଧି ଘଟୁଥିବା ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ। ଜିଲ୍ଲା ସାଧାରଣ ସମ୍ପାଦକ ବିବରଣୀ ପ୍ରଦାନ କରିଥିଲେ।
ସାମ୍ବାଦିକତା କ୍ଷେତ୍ରରେ ବଳରାମ ମିଶ୍ର, ଅଭିଳାଷ ହୋତା, ଚନ୍ଦ୍ରଭାନୁ ମୌଲାନା, ଚିତ୍ତରଞ୍ଜନ ମିଶ୍ର, ଖବରକାଗଜ ବିତରକ ଜୟପ୍ରକାଶ ମଟାରୀ, ପାଟଣାଗଡ଼ ସାମ୍ବାଦିକ ପ୍ରବୀଣ ପୁରୋହିତ ମହିଳା ଉଦ୍ୟୋଗୀ ମୀରାଦେବୀ କେଜରିୱାଲଙ୍କୁ ମାନପତ୍ର ଉପଢୌକନ ଦେଇ ସମ୍ମାନିତ କରାଯାଇଥିଲା। ସେହିପରି କଳା ଓ ସମାଜସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଶ୍ରୀମତୀ ସୁଜାତା ଆଗ୍ରୱାଲ ଓ ମହିଳା ମହାବିଦ୍ୟାଳୟର ଗଣ ଯୋଗାଯୋଗ ବିଭାଗର ଛାତ୍ରୀ ମାନଙ୍କୁ ସମ୍ମାନିତ କରାଯାଇଥିଲା। ଏହି କାର୍ଯ୍ୟକ୍ରମକୁ ସଫଳ କରିବାରେ ଅନ୍ୟମାନଙ୍କ ମଧ୍ୟରେ ମହେନ୍ଦ୍ର ପଧାନ, ରାଜେଶ ପାଣିଗ୍ରାହୀ, ସତ୍ୟ ନାରାୟଣ(ବଣ୍ଟି) ମିଶ୍ର, ସନ୍ତୋଷ ଠାକୁର, ବିନୋଦ ଦୀପ, ମାନସୀ ମିଶ୍ର, ରାଧାକୃଷ୍ଣ ମିଶ୍ର ପ୍ରମୂଖ ସହଯୋଗ କରିଥିଲେ l
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
