ଜାଲିଆତି କରିଥିବା 280 ଏଜେନ୍ସି ଓ 22 ଠିକାଦାରଙ୍କୁ
ବ୍ଲାକଲିଷ୍ଟ, ଟେଣ୍ଡର ବାତିଲ
ଟେଣ୍ଡର ପ୍ରକ୍ରିୟା ଉଲ୍ଲଂଘନ କରିଥିବା 10
ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ, ମାମଲା ସିବିଆଇକୁ ହସ୍ତାନ୍ତର
ରାମାନୁଜ ଶର୍ମା
ନୂଆଦିଲ୍ଲୀ, 28 ନଭେମ୍ବର (ହି.ସ) ମଧ୍ୟ ପ୍ରଦେଶରେ
ସାଧାରଣ ଜନତା, ବିଶେଷକରି ଗରିବମାନଙ୍କୁ, ପିଇବା ପାଇଁ ଶୁଦ୍ଧ
ଜଳ ପ୍ରଦାନ କରିବାକୁ ‘ହର ଘର ଜଳ’ ଯୋଜନାର କାର୍ଯ୍ୟାନୁଷ୍ଠାନରେ ବିପୁଳ ଅନିୟମିତତା ଏବଂ ଜାଲିଆତିର
ପର୍ଦ୍ଦାଫାଶ ହୋଇଛି। ଏହା ପରେ 280ଟି ଏଜେନ୍ସି ଏବଂ 22 ଠିକାଦାରଙ୍କୁ କଳାତାଲିକାଭୁକ୍ତ
କରାଯାଇଛି, ସନ୍ଦେହଜନକ
ଠିକାଗୁଡିକ ରଦ୍ଦ କରାଯାଇଥିବା ବେଳେ ଦେଢଶହରୁ ଅଧିକ ଅଧିକାରୀଙ୍କୁ ନୋଟିସ ଜାରି କରାଯାଇଛି ।
ଏହା ସହ ମାମଲାଟି ମଧ୍ୟ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ)କୁ ପ୍ରଦାନ
କରାଯାଇଛି।
କେନ୍ଦ୍ର ସରକାରଙ୍କ ସହଯୋଗରେ ମଧ୍ୟ ପ୍ରଦେଶ ସରକାର
2020 ମସିହାରୁ ରାଜ୍ୟରେ ‘ଜଳ ଜୀବନ ମିଶନ’ ଆରମ୍ଭ କରିଥିଲେ, କିନ୍ତୁ ଦୀର୍ଘ ସମୟ ଧରି ମିଳୁଥିବା ଦୁର୍ନୀତିର
ଅଭିଯୋଗ ପରେ ତଦନ୍ତ ଆରମ୍ଭ ହୋଇଥିଲା। ତଦନ୍ତରେ ଅନିୟମିତତା ଏବଂ ଜାଲିଆତି କରୁଥିବା ଏଜେନ୍ସି, ଠିକିଦାରଙ୍କ ଉପରେ
ରାଜ୍ୟ ସରକାର କଠୋର କାର୍ଯ୍ୟାନୁଷ୍ଠାନ ନେଇଛନ୍ତି, ଏଥିରେ ସଂପୃକ୍ତ ଥିବା ଅନେକ ଅଧିକାରୀଙ୍କ ଉପରେ ମଧ୍ୟ
କଠୋର କାର୍ଯ୍ୟାନୁଷ୍ଠାନ କରାଯାଇଛି।
ଜନସ୍ୱାସ୍ଥ୍ୟ
ଅଭିଯାନ୍ତ୍ରିକୀ ବିଭାଗର ପ୍ରମୁଖ ସଚିବ ପି. ନରହରି ହିନ୍ଦୁସ୍ତାନ ସମାଚାର ସହିତ ଆଲୋଚନାରେ କହିଛନ୍ତି
ଯେ ବିଭାଗ ଏହି ସମସ୍ତ ଅନିୟମିତତା ଏବଂ ଦୁର୍ନୀତିର ତଦନ୍ତ ସମ୍ପୂର୍ଣ୍ଣ ପାରଦର୍ଶୀତା ସହ ହେବା
ସହ ଦୃଢ଼ କାର୍ଯ୍ୟାନୁଷ୍ଠାନ କରିଛି। ସେ କହିଛନ୍ତି ଯେ ଏବେ ତାଙ୍କୁ ପୁରା ସନ୍ତୋଷ ଓ ଭରସା ଅଛି
ଯେ ଜଳ ଜୀବନ ମିଶନର ଲକ୍ଷ୍ୟକୁ ଶତପ୍ରତିଶତ ପ୍ରାପ୍ତ କରାଯାଇପାରିବ।
ସେ କହିଛନ୍ତି ଯେ ରାଜ୍ୟରେ
ଦୀର୍ଘ ସମୟ ଧରି ଜଳ ଜୀବନ ମିଶନ ସମ୍ପର୍କିତ ବିଭିନ୍ନ ଅଭିଯୋଗ ଜିଲ୍ଲା ସ୍ତରରୁ ଶାସନ ସ୍ତର
ପର୍ଯ୍ୟନ୍ତ ପହଞ୍ଚୁଥିଲା। କିନ୍ତୁ ଏହି ଅଭିଯୋଗଗୁଡିକୁ ଅଣଦେଖା କରାଯାଉଥିଲା କିମ୍ବା ମାମଲାକୁ ଲୁଚାଇ
ଦିଆଯାଉଥିଲା। ଯେତେବେଳେ ଏହି ଅଭିଯୋଗଗୁଡିକର ପାହାଡ଼ ସୃଷ୍ଟି ହେଲା ଏବଂ ସେଗୁଡିକ ସରକାର
ପର୍ଯ୍ୟନ୍ତ ଗଲା, ସରକାର ସତର୍କ ହେଲା। ତାପରେ
ରାଜ୍ୟ ସରକାର ମନ୍ତ୍ରାଳୟର ଶୀର୍ଷ ଅଧିକାରୀମାନଙ୍କୁ ଗଭୀର ତଦନ୍ତର ନିର୍ଦ୍ଦେଶ ଦେଲେ।
ଏଭଳିଭାବେ ରାଜ୍ୟର ଜଳ ଜୀବନ ମିଶନ ପ୍ରକଳ୍ପର ଗଭୀର ତଦନ୍ତ କରାଗଲା ଯେଉଁଠି ଅନେକ ଖୁଲାସା
ହୋଇଛି । ପ୍ରକଳ୍ପ ସହ ସଂପୃକ୍ତ ଏଜେନ୍ସି, ଠିକିଦାର ଓ
ଅଧିକାରୀମାନଙ୍କର ଦୁର୍ନୀତି ମଧ୍ୟ ପ୍ରକାଶିତ ହେଲା।
ପି. ନରହରି କହିଛନ୍ତି ଯେ ଗତ
ଦୁଇ ବର୍ଷ ଧରି ଜଳ ଜୀବନ ମିଶନରେ ବହୁତ ପ୍ରକାରର ଅନିୟମିତତାର ଅଭିଯୋଗ ଆସୁଥିଲା। ଏହାକୁ
ଧ୍ୟାନରେ ରଖି ସରକାର ପ୍ରକଳ୍ପର ପ୍ରତ୍ୟେକ ସ୍ତରରେ ବ୍ୟାପକ ତଦନ୍ତ କରାଇଲେ। ଯେଉଁଠି ଯାହା
ତୃଟି, ଅବହେଳା, ଅନିୟମିତତା କିମ୍ବା ଦୁର୍ନୀତି ମିଳିଲା, ସେଠି ଦୃଢ଼
କାର୍ଯ୍ୟାନୁଷ୍ଠାନ ନିଆଗଲା। ପ୍ରକଳ୍ପରେ ନିଯୁକ୍ତ ଏଜେନ୍ସି ଓ ଠିକିଦାରମାନଙ୍କୁ କେବଳ କଠୋର
ଦଣ୍ଡ ଦିଆଯାଇ ନାହିଁ, ତାଙ୍କର ଚୁକ୍ତି ବି ବାତିଲ
କରାଯାଇଛି ଏବଂ ଜରିମାନା ଲଗାଯାଇଛି। ନକଲି ଖାତା ସମ୍ପର୍କିତ ମାମଲାର ତଦନ୍ତ ସିବିଆଇକୁ ହସ୍ତାନ୍ତର
କରାଯାଇଛି। ଅଧିକାରୀମାନଙ୍କ ଉପରେ ମଧ୍ୟ କଠୋର କାର୍ଯ୍ୟାନୁଷ୍ଠାନ ନିଆଯାଇଛି ଏବଂ ସବୁ
ବିବରଣୀକୁ ପୋର୍ଟାଲରେ ଅପଲୋଡ୍ କରାଯାଇଛି।
ସେ କହିଛନ୍ତି ଯେ ଜଳ-ଜୀବନ
ମିଶନର କାର୍ଯ୍ୟ ଗୁଡିକରେ ଅନିୟମିତତା ଜଣାପଡିବା ପରେ 280 ଏଜେନ୍ସି ଏବଂ 22 ଠିକିଦାରଙ୍କୁ କଳାତାଲିକାଭୁକ୍ତ
କରାଯାଇଛି। ସେମାନଙ୍କର ଚୁକ୍ତି ମଧ୍ୟ ବତିଲ କରାଯାଇଛି। ଭୁଲ ଡିପିଆରତିଆରି କରିଥିବା 141 ଅଧିକାରୀ ଏବଂ 187 ଏଜେନ୍ସିଙ୍କୁ ନୋଟିସ ଜାରି କରାଯାଇଛି। ଟେଣ୍ଡର ପ୍ରକ୍ରିୟାର
ଉଲ୍ଲଂଘନ କରିଥିବା 10 ଅଧିକାରୀଙ୍କ ବିରୋଧରେ ମଧ୍ୟ
କାର୍ଯ୍ୟାନୁଷ୍ଠାନ ହୋଇଛି। ନକଲି ବ୍ୟାଙ୍କ ଗ୍ୟାରେଣ୍ଟି ମାମଲାରେ ଠିକିଦାରମାନଙ୍କ ବିରୋଧରେ
କାର୍ଯ୍ୟାନୁଷ୍ଠାନ କରାଯାଇଛି ଏବଂ ଏହି ପ୍ରକରଣ ସିବିଆଇକୁ ହସ୍ତାନ୍ତର ହୋଇଛି। ଏପର୍ଯ୍ୟନ୍ତ 30 କୋଟି ଟଙ୍କାର ଜରିମାନା ଲଗାଯାଇଛି। ପୁନରୀକ୍ଷଣ ଯୋଜନା ପରୀକ୍ଷଣ
ସମିତି ଗଠନ କରାଯାଇଛି ଏବଂ 8,358 ଏକକ ଗ୍ରାମ ନଳ-ଜଳ
ଯୋଜନାର ପରୀକ୍ଷା କରାଯାଇଛି।
ନରହରି କହିଛନ୍ତି ଯେ ମୁଖ୍ୟ
ସଚିବଙ୍କ ନିର୍ଦ୍ଦେଶାନୁସାରେ ପୁନରୀକ୍ଷିତ ଯୋଜନାମାନଙ୍କର ପରୀକ୍ଷା ପାଇଁ ସମ୍ବନ୍ଧିତ ମୁଖ୍ୟ
ଅଭିଯନ୍ତାଙ୍କ ଅଧ୍ୟକ୍ଷତାରେ ଜିଲ୍ଲାଭିତ୍ତିକ ପୁନରୀକ୍ଷଣ ଯୋଜନା ପରୀକ୍ଷଣ ସମିତି ଗଠନ
କରାଯାଇଥିଲା, ଯେଉଁଥିରେ ଜଳ ନିଗମର ଅଧିକାରୀମାନଙ୍କୁ
ମଧ୍ୟ ସମ୍ମିଳିତ କରାଯାଇଥିଲା। ଏହି ସମିତି ଦ୍ୱାରା 8,358 ଏକକ ଗ୍ରାମ ନଳ-ଜଳ ଯୋଜନାମାନଙ୍କର ପୁନରୀକ୍ଷିତ ଯୋଜନାର ପରୀକ୍ଷା କରାଯାଇଛି।
ସମିତିର ପ୍ରତିବେଦନ ଆଧାରରେ,
ସରକାର ଜଳ-ଜୀବନ ମିଶନ ପରି ଜନସେବା ସମ୍ବନ୍ଧୀୟ
ଗୁରୁତ୍ୱପୂର୍ଣ୍ଣ କାର୍ୟରେ ହୋଇଥିବା ଅବହେଳାକୁ ଗଭୀରତାର ସହ ନିଆଯାଇ, କଠୋର ପ୍ରଶାସନିକ ଆଭିମୁଖ୍ୟ ଆପଣାଇଛି ଏବଂ ଉପଯନ୍ତ୍ରୀରୁ ଆରମ୍ଭ କରି
କାର୍ଯ୍ୟପାଳନ ଯନ୍ତ୍ରୀ ପର୍ଯ୍ୟନ୍ତ 141 ଅଧିକାରୀଙ୍କୁ
ଗ୍ରାମ ଯୋଜନାର ତୃଟିପୂର୍ଣ୍ଣ ଡିପିଆରତିଆରି କରିବା ପାଇଁ କାରଣ ଦେଖାଅ ନୋଟିସ ଜାରି କରାଯାଇଛି। ସେଥିସହିତ, ଡିପିଆରତିଆରି କରିଥିବା 187 ଏଜେନ୍ସିଙ୍କୁ ମଧ୍ୟ ନୋଟିସ
ଜାରି କରାଯାଇଛି।
—————
ହିନ୍ଦୁସ୍ଥାନ ସମାଚାର / ସ୍ୱାଗତିକା
