କଟରା, 27 ଅଗଷ୍ଟ (ହି.ସ.)-ଜମ୍ମୁ
କଶ୍ମୀରର କଟରାରେ ପ୍ରବଳ ବର୍ଷା ପରେ ମଙ୍ଗଳବାର ପାହାଡ଼ ଧସିବା ଘଟଣାରେ ୩୨ ଜଣଙ୍କ ମୃତ୍ୟୁ
ଘଟିଛି। ଏହି ସୂଚନା ରିଆସି ଜିଲ୍ଲାର ବରିଷ୍ଠ ପୁଲିସ ଅଧିକାରୀ ପରମବୀର ସିଂହ ଦେଇଛନ୍ତି।
ଭୁସ୍ଖଳନ ଘଟଣା ଶ୍ରୀ ମାତା ବୈଷ୍ଣୋ
ଦେବୀ ମନ୍ଦିରକୁ ଯିବା ପଥରେ ଅବସ୍ଥିତ ଅଧକ୍ୱାରୀ ଗୁଫା ମନ୍ଦିର ନିକଟରେ ଇନ୍ଦ୍ରପ୍ରସ୍ଥ
ଭୋଜନାଳୟ ପାଖରେ ଘଟିଛି।
ଶ୍ରୀ ମାତା ବୈଷ୍ଣୋ ଦେବୀ ଶ୍ରାଇନ୍
ବୋର୍ଡଏକ ଏକ୍ସ ପୋଷ୍ଟରେ ଲେଖିଛି ଯେ, ଅଧକ୍ୱାରୀରେ
ଇନ୍ଦ୍ରପ୍ରସ୍ଥ ଭୋଜନାଳୟ ପାଖରେ ଭୁସ୍ଖଳନ ଘଟିଛି ଓ କିଛି ଲୋକ ଆହତ ହୋଇଥିବା ଆଶଙ୍କା ଅଛି।
ଆବଶ୍ୟକ ମାନବଶକ୍ତି ଓ ଯନ୍ତ୍ରପାତି ସହିତ ଉଦ୍ଧାର କାର୍ଯ୍ୟ ଜାରି ରହିଛି।
ଅଧିକାରୀମାନେ କହିଛନ୍ତି ଯେ ଚକ୍କୀ
ନଦୀରେ ମାଟି ଓ ଅଚାନକ ବନ୍ୟା ଆସିବା ପରେ ପଠାନକୋଟ କ୍ୟାଣ୍ଟ ଓ କଣ୍ଡ୍ରୋରୀ ମଧ୍ୟରେ ଡାଉନ୍
ଲାଇନରେ ଯାତାୟାତ ବାଧାପ୍ରାପ୍ତ ହୋଇଥିବାରୁ ୧୮ଟି ଟ୍ରେନ୍ ବାତିଲ୍ କରାଯାଇଛି।
ଏହି ମଧ୍ୟରେ କେନ୍ଦ୍ରୀୟ ଗୃହମନ୍ତ୍ରୀ
ଅମିତ ଶାହ ଏକ୍ସରେ ଲେଖିଛନ୍ତି ଯେ, ଘଟଣା ପରେ ସଙ୍ଗେସଙ୍ଗେ ଏନଡିଆରଏଫ ଟିମ
ଘଟଣାସ୍ଥଳରେ ପହଞ୍ଚିଛି। ଏହି ସନ୍ଦର୍ଭରେ ସେ ଜମ୍ମୁ କଶ୍ମୀରର ମୁଖ୍ୟମନ୍ତ୍ରୀ ଉମର ଅବ୍ଦୁଲ୍ଲା
ଓ ଉପରାଜ୍ୟପାଳ ମନୋଜ ସିହ୍ନା ସହିତ ଆଲୋଚନା କରିଛନ୍ତି। ସ୍ଥାନୀୟ ପ୍ରଶାସନ ଆହତମାନଙ୍କୁ
ସାହାଯ୍ୟ କରିବା ପାଇଁ ରେସକ୍ୟୁ ଓ ଉଦ୍ଧାର କାମରେ ଲାଗିଛି ଏବଂ ଏନଡିଆରଏଫଟିମ୍ ମଧ୍ୟ ଘଟଣାସ୍ଥଳରେ ପହଚୁଛନ୍ତି ।
ଉପରାଜ୍ୟପାଳ ମନୋଜ ସିହ୍ନା ମୃତକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି
ଏବଂ ଅଧିକାରୀମାନଙ୍କୁ ଦୁର୍ଘଟଣାରେ ଆହତ ହୋଇଥିବା ଲୋକମାନେ ପାଇଁ ତୁରନ୍ତ ସାହାଯ୍ୟ ପ୍ରଦାନ
କରିବା ନିର୍ଦ୍ଦେଶ ଦେଇଛନ୍ତି। ସିହ୍ନା କହିଛନ୍ତି ଯେ, ଅଧିକାରୀମାନେ ପ୍ରବଳ
ବର୍ଷା ମଧ୍ୟରେ ଜମ୍ମୁ ବିଭାଗର ପରିସ୍ଥିତି ଉପରେ ନଜର ରଖୁଛନ୍ତି ଏବଂ ଲୋକମାନଙ୍କୁ ସରକାରଙ୍କ
ଦିଆଯାଇଥିବା ପରାମର୍ଶ ଅନୁସରଣ କରିବାକୁ ଅନୁରୋଧ କରାଯାଇଛି।
ଅମିତ ଶାହଙ୍କ ସହିତ କଥାହେବା ପରେ ମୁଖ୍ୟମନ୍ତ୍ରୀ ଉମର ଅବ୍ଦୁଲ୍ଲା
ମଧ୍ୟ ଏକ୍ସରେ ପୋଷ୍ଟ କରିଛନ୍ତି ଯେ, ସେ କେନ୍ଦ୍ରୀୟ ଗୃହମନ୍ତ୍ରୀ
ସହିତ ଫୋନ୍ରେ କଥାହୋଇଛନ୍ତି ଏବଂ ତାଙ୍କୁ ଜମ୍ମୁ-କଶ୍ମୀର, ବିଶେଷକରି ଜମ୍ମୁ
ବିଭାଗର ପରିସ୍ଥିତି ବିଷୟରେ ଅବଗତ କରାଯାଇଛି, ଯେଉଁଠାରେ ପ୍ରବଳ ଓ
ଅବିରତ ବର୍ଷା ବହୁତ କ୍ଷତି କରିଛି ଏବଂ ସାଧାରଣ ଜୀବନରେ ବ୍ୟାଘାତ ସୃଷ୍ଟି କରିଛି।
—————
ହିନ୍ଦୁସ୍ଥାନ ସମାଚାର / ସ୍ୱାଗତିକା
