ଭୁବନେଶ୍ୱର, 18 ଅକ୍ଟୋବର (ହି.ସ.)- ଭାରତ ନିର୍ବାଚନ ଆୟୋଗ ୨୦୨୫ ମସିହାରେ ବିହାର
ବିଧାନସଭାର ସାଧାରଣ ନିର୍ବାଚନ ଏବଂ ୮ଟି ବିଧାନସଭା ନିର୍ବାଚନମଣ୍ଡଳୀର ଉପନିର୍ବାଚନ ପାଇଁ
କାର୍ଯ୍ୟସୂଚୀ ଘୋଷଣା କରିଛନ୍ତି। ବିହାରରେ ପର୍ଯ୍ୟାୟ-୧ ପାଇଁ ନଭେମ୍ବର ୬, ୨୦୨୫ (ଗୁରୁବାର) ଏବଂ ଦ୍ୱିତୀୟ ପର୍ଯ୍ୟାୟ ପାଇଁ
ନଭେମ୍ବର ୧୧, ୨୦୨୫ (ମଙ୍ଗଳବାର) ତାରିଖ ମତଦାନ ପାଇଁ ସ୍ଥିର କରାଯାଇଛି
ଏବଂ ସମସ୍ତ ୮ଟି ନିର୍ବାଚନମଣ୍ଡଳୀ ପାଇଁ ଉପନିର୍ବାଚନ ମଧ୍ୟ ନଭେମ୍ବର ୧୧, ୨୦୨୫ ରେ ଅନୁଷ୍ଠିତ ହେବାକୁ ଯାଉଛି। ଜନପ୍ରତିନିଧିତ୍ୱ
ଆଇନ, ୧୯୫୧ ର ଧାରା ୧୩୫ଖ ଅନୁଯାୟୀ ଯେକୌଣସି ବ୍ୟବସାୟ, ବାଣିଜ୍ୟ, ଶିଳ୍ପ ସଂସ୍ଥା
କିମ୍ବା ଅନ୍ୟ କୌଣସି ପ୍ରତିଷ୍ଠାନରେ ନିୟୋଜିତ ପ୍ରତ୍ୟେକ ବ୍ୟକ୍ତି ଏବଂ ରାଜ୍ୟ/କେନ୍ଦ୍ରଶାସିତ
ପ୍ରଦେଶର ଲୋକସଭା କିମ୍ବା ବିଧାନସଭା ନିର୍ବାଚନରେ ଭୋଟ୍ ଦେବାକୁ ହକଦାର, ସେମାନଙ୍କୁ ମତଦାନ ଦିନ ଏକ ଦେୟଯୁକ୍ତ ଛୁଟି ପ୍ରଦାନ
କରାଯିବ।
ଏପରି ଦେୟଯୁକ୍ତ ଛୁଟି ପାଇଁ ମଜୁରୀର କୌଣସି ହ୍ରାସ କରାଯିବ ନାହିଁ।
ଏହି ବ୍ୟବସ୍ଥାଗୁଡ଼ିକର ଉଲ୍ଲଂଘନ କରୁଥିବା ଯେକୌଣସି ନିଯୁକ୍ତିଦାତା ଜରିମାନା ପାଇଁ ଦାୟୀ
ରହିବେ। ସମସ୍ତ ଦୈନିକ ମଜୁରିଆ ଏବଂ ଅସ୍ଥାୟୀ କର୍ମଚାରୀ ମଧ୍ୟ ମତଦାନ ଦିନ ଦରମା ପାଇବାର ହକଦାର
ହେବେ।
ଆୟୋଗ ଆହୁରି ସ୍ପଷ୍ଟ କରିଛନ୍ତି ଯେ ଯେଉଁ ଭୋଟରମାନେ ସେମାନଙ୍କ
ନିର୍ବାଚନମଣ୍ଡଳୀ ବାହାରେ ଅବସ୍ଥିତ ଶିଳ୍ପ କିମ୍ବା ବାଣିଜ୍ୟିକ ପ୍ରତିଷ୍ଠାନରେ କାମ କରୁଛନ୍ତି
କିମ୍ବା ନିଯୁକ୍ତ ଅଛନ୍ତି କିନ୍ତୁ ନିର୍ବାଚନ ହେବାକୁ ଥିବା ନିର୍ବାଚନମଣ୍ଡଳୀରେ ଭୋଟର ଭାବରେ
ପଞ୍ଜୀକୃତ ହୋଇଛନ୍ତି, ସେମାନେ ମଧ୍ୟ ଭୋଟ୍
ଦେବା ପାଇଁ ମତଦାନ
ଆୟୋଗ ସମସ୍ତ ରାଜ୍ୟ / କେନ୍ଦ୍ର ଶାସିତ ଅଞ୍ଚଳ ସରକାରଙ୍କୁ ଏହି
ବ୍ୟବସ୍ଥାଗୁଡ଼ିକର କଡ଼ାକଡ଼ି ପାଳନ ପାଇଁ ଏବଂ ସମସ୍ତ ଭୋଟର ମୁକ୍ତ ଏବଂ ସୁବିଧାଜନକ ଭାବରେ
ସେମାନଙ୍କର ମତାଧିକାର ପ୍ରୟୋଗ କରିପାରିବେ ତାହା ସୁନିଶ୍ଚିତ କରିବା ପାଇଁ ନିର୍ଦ୍ଦେଶ ଦେଇଛନ୍ତି
।
—————
ହିନ୍ଦୁସ୍ଥାନ ସମାଚାର / ସ୍ୱାଗତିକା
