ନୂଆଦିଲ୍ଲୀ, 27 ନଭେମ୍ବର (ହି.ସ.)- ଜାତୀୟ ଦୁଗ୍ଧ ଦିବସରେ ଆୟୋଜିତ
କାର୍ଯ୍ୟକ୍ରମରେ ପଶୁପାଳନ ଏବଂ ଡାଏରି ବିଭାଗ ତିନୋଟି ଶ୍ରେଣୀରେ ଜାତୀୟ ଗୋପାଳ ରତ୍ନ ପୁରସ୍କାର
ପ୍ରଦାନ କରିଛି। ଏହି ଅବସରରେ 20ଟି ଆଧୁନିକ ଦୁଧ ଟ୍ୟାଙ୍କରର ଶୁଭାରମ୍ଭ କରାଯାଇଛି ।
କେନ୍ଦ୍ରୀୟ ମତ୍ସ୍ୟ ପାଳନ, ପଶୁପାଳନ ଏବଂ ଡାଏରି
ମନ୍ତ୍ରାଳୟ ଅନୁସାରେ, ଜାତୀୟ ରାଜଧାନୀ
ଦିଲ୍ଲୀରେ ଆୟୋଜିତ କାର୍ଯ୍ୟକ୍ରମରେ ପଶୁପାଳନ ଏବଂ ଡାଏରି ରାଜ୍ୟମନ୍ତ୍ରୀ ପ୍ରୋଫେସର ଏସ.ପି.
ସିଂହ ବଘେଲ, ରାଜ୍ୟମନ୍ତ୍ରୀ
ଜର୍ଜ କୁରିୟନ ଏବଂ ବିଭାଗର ସଚିବ ନରେଶ ପାଳ ଗଙ୍ଗୱାର ସହିତ ବରିଷ୍ଠ
ଅଧିକାରୀମାନେ ଉପସ୍ଥିତ ଥିଲେ।
କାର୍ଯ୍ୟକ୍ରମରେ ସାରା ଦେଶରୁ ପଶୁପାଳକ, ଡାଏରି ସହକାରୀ ସଂସ୍ଥାମାନଙ୍କ ପ୍ରତିନିଧି ଏବଂ
ବିଶେଷଜ୍ଞମାନେ ମଧ୍ୟ ଯୋଗଦେଇଛନ୍ତି । କାର୍ଯ୍ୟକ୍ରମରେ କୁହାଯାଇଛି ଯେ ଦେଶରେ ପ୍ରତିବ୍ୟକ୍ତି
ଦୁଧ ଉପଲବ୍ଧତା ପ୍ରତିଦିନ 485 ଗ୍ରାମ, ଯାହା ବିଶ୍ୱ ପ୍ରତିଶତ 329 ଗ୍ରାମ
ପ୍ରତିଦିନରୁ ଅଧିକ। ଏହି ଅବସରରେ ଗଙ୍ଗୱାର କହିଛନ୍ତି ଯେ
ବୈଜ୍ଞାନିକ ହସ୍ତକ୍ଷେପ, ଜାତି ସୁଧାର, ସେକ୍ସ ସର୍ଟେଡ୍ ସିମେନ ଏବଂ ଆଇଭିଏଫ୍ ପରି ଉନ୍ନତ
ପ୍ରଯୁକ୍ତି ଗୋପାଳନ କ୍ଷେତ୍ରର ଦୀର୍ଘକାଳୀନ ଅଗ୍ରଗତି ପାଇଁ ଅତ୍ୟାବଶ୍ୟକ।
—————
ହିନ୍ଦୁସ୍ଥାନ ସମାଚାର / ସ୍ୱାଗତିକା
