ନୂଆଦିଲ୍ଲୀ, ୯ ଜାନୁଆରୀ (ହିସ)- ହକି ଇଣ୍ଡିଆ ମଙ୍ଗଳବାର ହରମନ କ୍ରୁଜଙ୍କୁ ନୂତନ ଉଚ୍ଚ ପ୍ରଦର୍ଶନ ନିର୍ଦ୍ଦେଶକ ଭାବେ ନିଯୁକ୍ତି ଘୋଷଣା କରିଛି । ସେ ସେପ୍େଟମ୍ବର ୨୦୨୪ ପର୍ଯ୍ୟନ୍ତ ଏହି ପଦବୀରେ ରହିବେ ।
ନେଦରଲ୍ୟାଣ୍ଡରୁ ଆସିଥିବା କ୍ରୁଜଙ୍କର ଦୁଇ ଦଶନ୍ଧିରୁ ଅଧିକ କୋଚିଂ ଅଭିଜ୍ଞତା ରହିଛି ଏବଂ ସେ ନିଜ ନିଜ ଏଫ୍ଆଇଏଚ୍ ଜୁନିୟର ବିଶ୍ୱକପ୍ ପ୍ରସ୍ତୁତିର ତଦାରଖ କରିବା ପାଇଁ ପୂର୍ବରୁ ଭାରତୀୟ ପୁରୁଷ ଏବଂ ମହିଳା ଜୁନିୟର ହକି ଦଳର କୋଚ୍ ଭାବରେ ନିଯୁକ୍ତ ହୋଇଥିଲେ ।
ଜଣେ ପ୍ରଶିକ୍ଷକ ଭାବରେ କ୍ରୁଜ୍ ଡଚ୍ କ୍ଲବ୍ ଡେନ୍ ବୋସ୍ ଲେଡିଜ୍ ର ମୁଖ୍ୟ ପ୍ରଶିକ୍ଷକ ଏବଂ କ୍ରମାଗତ ଆଠଟି ୟୁରୋପୀୟ କପ୍ ଟାଇଟଲ୍ ପାଇଁ ଦଳକୁ ଆଗେଇ ନେଇଥିଲେ । ସେ ୨୦୦୬ ରୁ ୨୦୦୮ ପର୍ଯ୍ୟନ୍ତ ନେଦରଲ୍ୟାଣ୍ଡର ଇନଡୋର ମହିଳା ହକି ଦଳର ମୁଖ୍ୟ ପ୍ରଶିକ୍ଷକ ଏବଂ ୨୦୦୮ ରୁ ୨୦୧୦ ପର୍ଯ୍ୟନ୍ତ ନେଦରଲ୍ୟାଣ୍ଡ ମହିଳା ଜାତୀୟ ହକି ଦଳର ମୁଖ୍ୟ ପ୍ରଶିକ୍ଷକ ଥିଲେ ।
ହିନ୍ଦୁସ୍ଥାନ ସମାଚାର/ ଗଗନ/ସମନ୍ୱୟ
