ନୂଆଦିଲ୍ଲୀ, ୨୧ ନଭେମ୍ବର (ହିସ) – ନଭେମ୍ବର ୨୩ ରୁ ଆରମ୍ଭ ହେବାକୁ ଥିବା ଭାରତ ବିପକ୍ଷରେ ପାଂଚଟି ମ୍ୟାଚ୍ ବିଶିଷ୍ଟ ଟି -୨୦ ସିରିଜରେ ଓପନର୍ ଡେଭିଡ ୱାର୍ଣ୍ଣର ଖେଳିବେ ନାହିଁ ।
ଆସନ୍ତା ବର୍ଷ ପାକିସ୍ତାନ ବିପକ୍ଷରେ ସିଡନୀ ଟେଷ୍ଟ ପରେ ଟେଷ୍ଟ କ୍ରିକେଟରୁ ଅବସର ନେବାକୁ ଯାଉଥିବା ୱାର୍ଣ୍ଣର ବିଶ୍ୱକପରେ ହାରାହାରି ୫୦ ରନ୍ କରି ୫୩୫ ରନ୍ ସଂଗ୍ରହ କରିଛନ୍ତି । ଓପନିଂ ବ୍ୟାଟ୍ସମ୍ୟାନ୍ କମିନ୍ସ, ମିଶେଲ ଷ୍ଟାର୍କ, ଜୋସ୍ ହେଜଲବୁଡ୍, କ୍ୟମେରନ୍ ଗ୍ରୀନ୍ ଏବଂ ମିଶେଲ ମାର୍ଶଙ୍କ ସହ ସିରିଜ୍ ପାଇଁ ବିଶ୍ରାମ ନେଇଛନ୍ତି ।
କ୍ରିକେଟ୍ ଅଷ୍ଟ୍ରେଲିଆର ଏକ ବିବୃତି ଅନୁଯାୟୀ, ଚୟନକର୍ତାମାନେ ନିଷ୍ପତି ନେଇଛନ୍ତି ଯେ ୱାର୍ଣ୍ଣର ଏକ ସଫଳ କିନ୍ତୁ ଚ୍ୟାଲେଞ୍ଜିଂ ବିଶ୍ୱକପ୍ ଅଭିଯାନ ପରେ ବର୍ତମାନ ସ୍ୱଦେଶକୁ ଫେରିବେ ।
ଚଳିତ ବର୍ଷ ଆରମ୍ଭରେ ଦକ୍ଷିଣ ଆଫ୍ରିକାରେ ଅଷ୍ଟ୍ରେଲିଆ ପାଇଁ ପଦାର୍ପଣ କରିଥିବା ପଶ୍ଚିମ ଅଷ୍ଟ୍ରେଲିୟ ଫାଷ୍ଟ ବୋଲିଂ ଅଲରାଉଣ୍ଡର ଏରୋନ ହାର୍ଡି ଟି -୨୦ ଦଳରେ ସ୍ଥାନ ପାଇଛନ୍ତି ।
ହିନ୍ଦୁସ୍ତାନ ସମାଚାର/ ଗଗନ/ସମନ୍ୱୟ
