नयाँ दिल्ली, 15 नोभेम्बर (हि.स.)। विषाक्त हावाले राष्ट्रिय राजधानी दिल्लीका मानिसहरूको सासमाथि फेरि अन्याय गर्न शुरू गरेको छ। समग्र वायु गुणस्तर सूचकाङ्क (एक्यूआई) पछिल्लो 48 घण्टादेखि ‘गम्भीर’ श्रेणीमा छ। आगामी दिनमा स्थिति अझ भयानक हुनसक्ने अनुमान छ। केन्द्रिय प्रदूषण नियन्त्रण बोर्ड अनुसार आज बिहान दिल्लीको आनन्द विहारको एक्यूआई 430, आरकेपुरमको 417, पञ्जाबी बागको 423 तथा जहाँगीरपुरीको 428 रह्यो।
बोर्डले मङ्गलवार बिहान भनेको थियो, दिल्ली-एनसीआरमा वायु गुणस्तर सूचकाङ्क (एक्यूआई)-को स्तर 450 पुगेको छ। बुधवार बिहान राजधानीको आरकेपुरममा एक्यूआई 417, पञ्जाबी बागमा 410, आईटीओमा 430 औ जहाँगीरपुरीमा 428 दर्ता गरिएको थियो।
देशको राजधानी दिल्लीमा दीपावालीदेखि यता लगातार प्रदूषणको स्तर बढ़्दै गइरहेको छ। दीपावली आउन एकदिनअघि दिल्लीको एक्यूआई घटेर 300भन्दा तल झरेको थियो।
हिन्दुस्थान समाचार/उष्णता
