कोलकाता, 11 मई। पश्चिम बंगालको राजधानी कोलकाता समेत राज्यका अन्य भागहरूमा आगामी दुई-तीन दिनसम्म वर्षा हुने सम्भावना छ। अलिपुरस्थित मौसम विभागको क्षेत्रीय मुख्यालयद्वारा शनिवार जारी बयानमा बताइएको छ, राजधानी कोलकातामा न्यूनतम तापमान 26.4 डिग्री सेल्सियस छ जुन सामान्यभन्दा एक डिग्री कम हो। अधिकतम तापमान 30.4 डिग्री सेल्सियस छ जुन सामान्यभन्दा छः डिग्री अधिक हो।
कोलकाता बाहेक हावड़ा, हुगली, उत्तर औ दक्षिण 24 परगना, पूर्व औ पश्चिम मेदिनीपुर, पुरूलिया, बाँकुड़ा समेत राज्यका अन्य भागहरूमा तापमान 24-देखि 34 डिग्रीबीच कायम रहेको छ। विशेष कुरा के हो भने पछिल्लो हप्ता तापमान 43 डिग्री सेल्सियसको अधिकतम स्तरसम्म पुगेको थियो। तापमानमा 10 डिग्री ह्रास आएको कारणले गर्मीबाट केही राहत अवश्य प्राप्त भएको छ, तर आकाशमा बादल छाएको कारणले बाफिने गर्मी र पसिनाले मानिसहरूको बेहाल भएको छ।
उत्तर बंगालका अलिपुरद्वार, कुचबिहार, जलपाईगुड़ी, दार्जीलिङ औ कालेबुङमा भने अहिले पनि मौसम सामान्य नै छ।
