कोलकाता, 10 फरवरी : पश्चिम बंगालमा बसन्त ॠतुले पाइला टेकिसकेको भए पनि तापमानमा उतार-चढ़ाउ कायम छ। सरस्वती पूजापूर्व फेरि कोलकाता सहित राज्यका अन्य क्षेत्रहरूमा तापमानमा ह्रास दर्ता गरिएको छ।
अलिपुरस्थित मौसम विभागको क्षेत्रीय मुख्यालयद्वारा शनिवार जारी एक बयानमा उल्लेख गरिएको छ, कोलकातामा न्यूनतम तापमान सामान्यभन्दा 3 डिग्री कम 14.6 डिग्री सेल्सियस दर्ता गरिएको छ। अधिकतम तापमान पनि सामान्यभन्दा सामान्यभन्दा 4 डिग्री कम 24.6 डिग्री सेल्सियस छ। यस साताको शुरूमा न्यूनतम तापमान 22 डिग्री सेल्सियस नजिक पुगेको थियो भने मात्र छः दिनको अन्तरालमा यसमा 7 डिग्री सेल्सियस ह्रास आएको कारणले सामान्य जाड़ो बढ़ेको छ। तथापि यो मौसम त्यति चिसो छैन। पार्वतीय क्षेत्रहरूमा हिमपात भएकोले सिरेटो प्रवेश गरे बापत तापमानमा ह्रास दर्तागरिँदैछ, तर आगामी हप्तादेखि यसमा सुधार आउने सम्भावना छ।
कोलकाता अतिरिक्त हावड़ा, हुगली, उत्तर औ दक्षिण 24 परगना, पूर्व औ पश्चिम मेदिनीपुर, पुरूलिया, बाँकुड़ा, बर्दवान, झाड़ग्राम, मुर्शिदाबाद आदि जिल्लाहरूमा पनि तापमानमा सामान्य ह्रास दर्ता गरिएको छ। तर मौसम विभागले भनेको छ, आगामी सातादेखि पारा चढ़्न शुरू हुनेछ। उत्तर बंगालका अलिपुरद्वार, कुचबिहार, जलपाईगुड़ी, दार्जीलिङ एवं कालेबुङमा अहिले पनि सामान्य चिसो यथावत छ।
