रिसड़ा, 05 नोभेम्बर (हि.स.)। वरिष्ठ तृणमूल नेता एवं श्रीरामपुरका सांसद कल्याण ब्यानर्जीले रिसड़ाका पार्षदहरू र पदाधिकारीहरूलाई चेताउनी दिएका छन्। रिसड़ाको रविन्द्र भवनमा शनिवार राति रिसड़ा शहर तृणमूल कांग्रेसको विजया सम्मेलनमा उनले भने, रिसड़ाका विभिन्न वार्डहरूमा पार्षदहरूले चुनाउ जित्छन्, तर उनीहरूकै वार्डहरूमा विधायक र सांसद पराजित हुन्छन्।
उनले यो बुझ्न नसकिने विषय हो भन्दै भने, यसपाली यस्तो हुनुहुॅंदैन। यदि यसपाली पनि यस्तै भयो भने रिसड़ामा पार्षद र पदाधिकारी हुनुको के फाइदा। उनले रिसड़ाका पार्षदहरूलाई आफ्नो वार्डहरूमा परिश्रम गर्न हिदायत दिए।
उनले अघि भने, भाजपाले पॉंच एजेन्सीहरूको दुरुपयोग गरेर विरोधीहरूलाई दुःख दिइरहेको छ। जुन राज्यहरूमा भाजपाको सरकार छैन त्यहॉं ईडी र सीबीआई सक्रिय छ। उनले के भाजपा शासित राज्यहरूमा कोही भ्रष्ट छैनन् भनी प्रश्न गरे।
सांसदले भने, 2024 को लोकसभा चुनाउपछि भाजपा केन्द्रको सत्ताबाट जानेछ र भारतलाई दोस्रोपल्ट स्वतन्त्रता प्राप्त हुनेछ। त्यसपछि भाजपाका भ्रष्टाचारीहरूलाई छानीछानी जेलमा हालिने छ।
हिन्दुस्थान समाचार/भवानी
