जम्मू, 23 दिसम्बर (हि.स.)। अखनूरको खौर सेक्टरमा अन्तरराष्ट्रिय सीमानाको सुरक्षा गरिरहेका सुरक्षाबलहरूले शनिवार अनुप्रवेश गर्ने प्रयासलाई असफल बनाउँदै एकजना अनुप्रवेशकारीलाई मारेका छन्।
सैन्य अधिकारीहरूले बताए, शनिवार बिहान भारी हतियारहरूद्वारा लैस चारजना अनुप्रवेशकारीहरूको समूहलाई अखनूरको खौर सेक्टरस्थित अन्तरराष्ट्रिय सीमाबाट भारतीय सीमामा प्रवेश गर्ने प्रयास गर्दै गरेको देखियो। सुरक्षाबलहरूले फर्किने चेताउनी दिँदा पनि अनुप्रवेशकारीहरू ढिट भएर भारतीय सीमातिर प्रवेश गर्न थाले।
त्यसपछि सुरक्षाबलहरूले गोली चलाए जसमा एकजना अनुप्रवेशकारी मारिए। यद्यपि अनुप्रवेशकारीको शवलाई उसका साथीहरूले अन्तरराष्ट्रिय सीमा पारी नै लिएर गए। यता सुरक्षाबलहरूले सम्पूर्ण क्षेत्रलाई घेराबन्दी गरी खोजी अभियान शुरू गरेका छन्।
हिन्दुस्थान समाचार/उष्णता
